മലപ്പുറം : മഴക്കെടുതിയില്‍ പ്രയാസപ്പെടുന്നവര്‍ക്ക് അടിയന്തിര സഹായങ്ങള്‍ക്കും രക്ഷാപ്രവര്‍ത്തനങ്ങള്‍ ഏകോപിപ്പിക്കുന്നതിനുംവേണ്ടി ടീം വെല്‍ഫെയര്‍ ജില്ലയിലെ വ്യത്യസ്ത ഇടങ്ങളില്‍ ഡിസാസ്റ്റര്‍ സെല്ലുകള്‍ തുറന്ന് പ്രവര്‍ത്തനമാരംഭിച്ചു. വയനാട് ഉരുള്‍ പൊട്ടല്‍ ദുരന്തത്തില്‍ ചാലിയാറില്‍ എത്തിയ ബോഡികള്‍ എടുക്കുന്നതില്‍ ടീം വെല്‍ഫെയര്‍ പങ്കാളിത്തം വഹിച്ചു. കൂട്ടിലങ്ങാടി, മലപ്പുറം മുനിസിപ്പാലിറ്റി, കൊണ്ടോട്ടിമുനിസിപ്പാലിറ്റി, വാഴക്കാട്, മമ്പാട്, പറപ്പൂര്‍, പരപ്പനങ്ങാടി തുടങ്ങി ജില്ലയിലെ മഴക്കെടുതി അനുഭവിക്കുന്ന മുഴുവന്‍ പ്രദേശങ്ങളിലും ഡിസാസ്റ്റര്‍ സെല്ലിനു കീഴില്‍ ടീം വെല്‍ഫെയര്‍ അംഗങ്ങള്‍ രക്ഷാപ്രവര്‍ത്തനങ്ങള്‍ക്ക് നേതൃത്വം നല്‍കി.