കുവൈറ്റ് സിറ്റി : ഭാരതത്തിന്റെ 68 മത് റിപ്പബ്ലിക്ക് ദിനാഘോഷം കുവൈറ്റിൽ ഭാരതീയ പ്രവാസി പരിഷത് ആഘോഷിച്ചു. അബ്ബാസിയ ജമയ്യ ഹാളിൽ തിങ്ങി നിറഞ്ഞ ജന സദസ്സിന് മുൻപിൽ വിശിഷ്ടാധിയായി എത്തിയ 'മേജർ പ്രവീൺ രാജ്' ഭദ്ര ദിപം കൊളുത്തി സമ്മേളനം ഉൽഘാടനം ചെയ്തു. 'വിശ്വ ഗുരു ഭാരതം' എന്ന വിഷയത്തെ മുൻ നിർത്തി ഡോക്ടർ ആസാദ് സാഹേബ് മുഖ്യ പ്രഭാഷണം നടത്തി.

ബിപിപി പ്രസിഡന്റ് രാജശേഖരൻ സമ്മേളനത്തിൽ അധ്യക്ഷം വഹിച്ചു. ഗാനങ്ങളും സംഗീതവും നൃത്ത നൃത്യങ്ങളും കൊണ്ട് വർണ വിസ്മയം തീർത്ത കലാ പരിപാടികൾ ഭാരതത്തിന്റെ ഐക്യവും സംസ്‌കാരവും ദൃശ്യമാക്കും വിധം ശ്രദ്ധേയമായിരുന്നു. പ്രോഗ്രാം കൺവീനർ രാജ് ഭണ്ഡാരി സ്വാഗത പ്രസംഗവും അൽദേശ് പട്ടേൽ കൃതജ്ഞതയും രേഖപ്പടുത്തി.

ഇന്ത്യൻ സമൂഹത്തിലെ വിവിധ സംസ്ഥാനങ്ങൾക്കിടയിൽ പ്രവർത്തിക്കുന്ന 'തുളുക്കൂട്ടം, . കന്നഡ കൂട്ടം, ബില്ലവസംഘം, മൗര്യ പരിഷദ് ബീഹാർ, ഉപകാർ സമർപ്പൺ ഗുജറാത്ത്, മഹാരാഷ്ട്ര മണ്ഡലി, ബൺസ് കുവൈറ്റ്, കെസിഡബ്ല്യൂ തുടങ്ങിയ സംഘടനകൾ റിപ്പബ്ലിക് ദിനാഘോഷം വിജയിപ്പിക്കുന്നതിൽ പങ്കെടുത്തു പ്രവർത്തിച്ചു.