മലപ്പുറം: മോഷ്ടിച്ച ബൈക്കുമായി മൂന്ന് പേർ അറസ്റ്റിൽ. പരപ്പനങ്ങാടി ചെട്ടിപ്പടി സ്വദേശികളായ കുറ്റ്യാടി മുഹമ്മദ് അകിബ് എന്ന ആഷിഖ് 21, പൊക്ലിന്റെ പുരക്കൽ റസൽ 19, കുഞ്ഞിക്കപ്പന്റെ പുരക്കൽ മുഹമ്മദ് ഹുസൈൻ അമീൻ 24 എന്നിവരെയാണ് അറസ്റ്റ് ചെയ്തത്.

മോഷ്ടിച്ച ബൈക്കിൽ കാമുകിയെ കണ്ട് തിരികെ വരും വഴി അപകടത്തിൽ പെട്ടപ്പോഴാണ് അറസ്റ്റിലായത്. സംഘത്തിലൊരാളുടെ കൊല്ലം സ്വദേശിനിയായ കാമുകിയെ കണ്ട് മടങ്ങും വഴിയാണ് അപകടത്തിൽ പെട്ടതും പിന്നാലെ അറസ്റ്റിലായതും.

പുത്തരിക്കലിൽ നിന്നും മോഷ്ടിച്ച ബൈക്കുമായാണ് മൂന്നംഗ സംഘം യാത്ര തുടങ്ങിയത്. ഈ വാഹനം തെന്മലയിൽ വിൽപന നടത്തുകയും ശേഷം കൊല്ലം ചാത്തന്നൂരിൽ നിന്നും മറ്റൊരു ബൈക്ക് മോഷ്ടിക്കുകയുമായിരുന്നു.

കൊല്ലത്തുള്ള കാമുകിയെ കണ്ടതിന് ശേഷം രണ്ട് പേർ ബൈക്കിലും ഒരാൾ ബസ്സിലുമായാണ് യാത്ര തിരിച്ചത്. ബൈക്കിൽ വന്നവർ മലപ്പുറം പാലക്കാട് ജില്ല അതിർത്തിയിൽ വെച്ച് അപകടത്തിൽ പെടുകയായിരുന്നു. റസലും ഹുസൈനുമാണ് ബൈക്കിലുണ്ടായത്.

അപകടത്തിൽ പെട്ട ബൈക്കിന്റെ വിവരങ്ങൾ അന്വേഷിച്ചപ്പോഴാണ് ബൈക്ക് മോഷ്ടിച്ചതാണെന്ന് വ്യക്തമായത്. ഇതോടെ മൂന്ന് പേരെയും പൊലീസ് അറസ്റ്റ് ചെയ്യുകയായിരുന്നു.

പ്രണയിനി