തിരുവനന്തപുരം: പട്ടിക വിഭാഗത്തിൽപ്പെട്ട ബിന്ദു അമ്മിണിക്ക് എതിരെ ആസൂത്രിതമായി ആക്രമണങ്ങൾ നടക്കുന്ന സാഹചര്യത്തിൽ പൊലീസ് സംരക്ഷണം ഉറപ്പാക്കാൻ സംസ്ഥാന പൊലീസ് മേധാവിക്ക് കേരള സംസ്ഥാന പട്ടികജാതി പട്ടിക ഗോത്രവർഗ കമ്മിഷൻ നിർദ്ദേശം നൽകി. ബിന്ദു അമ്മിണിക്ക് മർദ്ദനമേറ്റ സംഭവത്തിൽ കമ്മീഷൻ സ്വമേധയാ കേസെടുക്കുകയും അന്വേഷണം നടത്തുവാൻ കോഴിക്കോട് ജില്ലാ പൊലീസ് മേധാവിക്ക് നിർദ്ദേശം നൽകുകയും ചെയ്തിരുന്നു.