മനാമ: ബി കെ എസ് ദേവ്ജി  ബാലകലോത്സവം 2014 ന്റെ ഭാഗമായി ദേവ്ജി ജുവല്ലേഴ്‌സും ബഹ്‌റൈൻ കേരളീയ സമാജവും സംയുക്തമായി  സംഘടിപ്പിക്കുന്ന ജുവല്ലറി ഡിസൈങ്ങ് (കമ്മൽ, വള, മാല മുതലായവ ) കൂടാതെ ഇന്ത്യൻ സംസ്‌കാരത്തിൽ സ്വർണ്ണാ ഭരണങ്ങൾക്കുള്ള പങ്ക് എന്നിവ കോർത്തിണക്കി കൊണ്ട്  ജുവല്ലറി ആർട്ട് മത്സരത്തിന് അപേക്ഷ ലഭിക്കേണ്ട തിയതി 12 വരെ നീട്ടിയതായി സമാജം പ്രസിഡണ്ട് ജി കെ നായർ ജനറൽ സെക്രട്ടറി  മനോജ് മാത്യു എന്നിവർ അറിയിച്ചു. നവംബർ 21 വെള്ളിയാഴ്ച 10 മണി മുതൽ 12 വരെ യാണ് മത്സരങ്ങൾ നടക്കുന്നത്.

ബഹ്‌റിനിലെ ഏതെങ്കിലും അംഗീകൃത സ്‌കൂളിൽ പഠിക്കുന്ന 11 നും 18 വയസ്സിനും ഇടയിൽ പ്രായമുള്ള കുട്ടികൾക്കാണ്  മത്സരത്തിൽ പങ്കെടുക്കുവാൻ സാധിക്കുന്നത്. ഒന്നും രണ്ടും സ്ഥാനം നേടുന്നവർക്ക് സർട്ടിഫിക്കറ്റുുകളും ട്രോഫിയും നൽകുന്നതായിരിക്കും. പങ്കെടുത്ത മുഴുവൻ കുട്ടികൾക്കും മത്സരത്തിന്റെ അന്നേ ദിവസം തന്നെ സർട്ടിഫിക്കറ്റുകൾ  വിതരണം ചെയ്യും. കൂടാതെ വിവിധ തരത്തിലുള്ള സമ്മാനങ്ങളും ഏർപ്പെടുത്തിയിട്ടുള്ളതായി സംഘാടകർ അറിയിച്ചു.

ഏറ്റവും  മികച്ച ജുവല്ലറി ഡിസൈനുകൾ അതെ രീതിയിൽ തന്നെ ആഭരണങ്ങൾ നിർമ്മിക്കുകയും ദേവ്ജി ജുവല്ലറിയിൽ പ്രദർശിപ്പിക്കുന്നതുമാണ്. കൂടാതെ കലാപരവും മികച്ചതുമായ സാഹിത്യ സൃഷ്ടികൾ ദേവ്ജി ജുവല്ലറിയുടെ പരസ്യങ്ങൾക്കായി ഉപയോഗിക്കും.
അപേക്ഷകൾ ലഭിക്കേണ്ട അവസാന  തീയതി  12 വെള്ളിയാഴ്ച വരെ (10.30 PM) നീട്ടിയതായി സംഘാടകർ അറിയിച്ചു. പൂരിപ്പിച്ച അപേക്ഷാ ഫോറം സമാജം ഓഫീസിൽ നൽകേണ്ടതാണ്. അപേക്ഷാഫോറവും മറ്റു വിവരങ്ങളും സമാജം  വെബ്‌സൈറ്റിൽ ലഭ്യമാണ്. www.bksbahrain.com.