മനാമ: ബഹ്‌റൈൻ കേരളീയ സമാജത്തിന്റെ   ഈ വർഷത്തെ  ഓണാഘോഷങ്ങളുടെ (പൂവിളി 2015 ) ഭാഗമായി സംഘടിപ്പിക്കുന്ന മത്സരയിനങ്ങളിലേക്ക് രജിസ്‌ട്രേഷൻ ആരംഭിച്ചു. അത്തപൂക്കള മത്സരം, പായസമത്സരം , തിരുവാതിരകളി മത്സരം, ഘോഷയായാത്ര, നാടൻ കായികമേള തുടങ്ങിയ ഇനങ്ങളിലായി നടത്തുന്ന മേളയ്ക്ക് ഓഗസ്റ്റ് 14 നു തുടക്കമാവും. എല്ലാ മത്സരയിനങ്ങൾക്കും ആകർഷകമായ സമ്മാനങ്ങളാണ്  ഏർപ്പെടുത്തിയിരിക്കുന്നത് എന്ന്  സമാജം പ്രസിഡന്റ് വർഗീസ് കാരക്കൽ, സമാജം ജനറൽ സെക്രട്ടറി വി കെ പവിത്രൻ എന്നിവർ വ്യക്തമാക്കി  .

ഓഗസ്റ്റ് 14ന് വെള്ളിയാഴ്ച രാവിലെ 10 മണിക്ക് തുടങ്ങുന്ന അത്തപൂക്കളമത്സരത്തിനും വൈകുന്നേരം നടക്കുന്ന  ലുലു  പായസമത്സരത്തിനും, ഘോഷയാത്ര, തിരുവാതിര തുടങ്ങിയവക്കെല്ലാം മികച്ച പ്രതികരണമാണ് ലഭിക്കുന്നത്. ഘോഷയാത്ര മത്സരത്തിൽ സമാജം ഉപവിഭാഗങ്ങൾക്കും  മറ്റു സംഘടനകൾക്കും വെവ്വേറെ സമ്മാനങ്ങളാണ് നല്കുന്നത് .   

ഓഗസ്റ്റ് 15 മുതൽ 18 വരെ  പ്രവാസികൾക്ക്  അന്യം നിന്ന് പോകുന്ന നാടൻ കായിക മത്സരങ്ങൾ ഈ വർഷത്തെ വൈവിധ്യമാർന്ന ഒരു പരിപാടി ആയിരിക്കും വടം വലി, ഉറിയടി, കഴകയറ്റം ,കുറ്റിപന്ത്, തലയിണയടി, കബഡി, ചീട്ടുകളി, തീറ്റമത്സരം തുടങ്ങി ഒട്ടനവധി നാടൻ കായിക മത്സരങ്ങൾ മുതിർന്നവർക്കും , വനിതകൾക്കും കുട്ടികൾക്കുമായി വൈകുന്നേരം 7 മണി മുതൽ സംഘടിപ്പിക്കുന്നു .

നാട്ടിലെ ആഘോഷങ്ങളെ അനുസ്മരിപ്പിക്കുന്ന വിധത്തിൽ സംഘടിപ്പിക്കുന്ന ഉറിയടി മത്സരം, തലയിണയടി മത്സരം തുടങ്ങിയവ  ബഹ്‌റൈൻ പ്രവാസികൾക്ക് പുതിയ ഒരു അനുഭവം ആയിരിക്കുമെന്ന് ഭാരവാഹികൾ പറഞ്ഞു .

ഉറിയടിമത്സരത്തി ലേക്ക്  ഉറി പിടിക്കാൻ പരിചയസമ്പന്നരായവരുടെ സഹായവും അഭ്യർത്ഥി ക്കുന്നു. അതുപോലെ മറ്റു നാടൻ കായിക മത്സരങ്ങളിലും പങ്കെടുക്കാൻ താല്പര്യമുള്ളവർ ഓഗസ്റ്റ് 10 നു മുൻപ് പേര് രെജിസ്ടർ ചെയ്യണം.  മത്സരങ്ങൾക്കുള്ള  ഫോമുകൾ സമാജത്തിൽ നിന്നോ സമാജം വെബ്‌സറ്റിൽ നിന്നോ ലഭിക്കുന്നതാണ്.

കായികമേളയുമായി ബന്ധപെട്ട കൂടുതൽ വിവരങ്ങൾക്ക് ബിനോജ് മാത്യു  ( 366 65376 ) മായും  ഓണാഘോഷവുമായി ബന്ധപെട്ട വിവരങ്ങൾക്ക്  ജെനറൽ കൺവിനർ സന്തോഷ് ബാബു ( 39818426 )   കലവി ഭാഗം  സെക്രടറി എസ് .ജയകുമാർ ( 39807185 )കെ. ശ്രീകുമാർ (39869744 ) എന്നിവരുമായി ബന്ധപ്പെടാവുന്നതാണ് .