ഷില്ലോംഗിൽ സ്‌ഫോടനം; ആളപായമില്ല; സ്‌ഫോടനം നടന്നത് ാർക്കറ്റിലെ പൊലീസ് ബസാർ കെട്ടിടത്തിൽ

ഷില്ലോംഗ്: മേഘാലയയിൽ സ്ഫോടനം. ഷില്ലോംഗ് മാർക്കറ്റിലെ പൊലീസ് ബസാർ കെട്ടിടത്തിലാണ് സ്ഫോടനം നടന്നത്. ആളപായം റിപ്പോർട്ട് ചെയ്തിട്ടില്ല.

ഐഇഡി ഉപയോഗിച്ചാകാം സ്ഫോടനം നടത്തിയതെന്ന സംശയത്തിലാണ് പൊലീസ്. കോവിഡിനെ തുടർന്ന് മേഘാലയയിൽ ഞായറാഴ്ച ലോക്ഡൗൺ ഏർപ്പെടുത്തിയിരുന്നു. ഇതിനാലാണ് ആളപായം ഒഴിവായത്.

മേഖലയിൽ പൊലീസ് ബാരിക്കേഡുകൾ സ്ഥാപിച്ചു. സംസ്ഥാനത്തിന്റെ ക്രമസമാധാനം തകർക്കാൻ ശ്രമിച്ച ആളുകളെ വെറുതെ വിടില്ലെന്നും, സ്ഫോടനത്തിന് പിന്നിലുള്ള പ്രതികളെ ഉടൻ തന്നെ കണ്ടെത്തുമെന്നും മേഘാലയ മുഖ്യമന്ത്രി കോൺറാഡ് സാഗ്മ ട്വിറ്ററിൽ കുറിച്ചു.