റിപ്പബ്ലിക്ക് ദിനത്തിൽ രക്തദാനം സംഘടിപ്പിച്ചു

തിരുവനന്തപുരം: 73- മത് റിപ്പബ്ലിക് ദിനാഘോഷങ്ങളുടെ ഭാഗമായി തിരുവനന്തപുരം ജില്ലാ ബിഎസ്എഫ് മലയാളി അസോസിയേഷൻ തിരുവനന്തപുരം മെഡിക്കൽ കോളേജ് ബ്ലഡ് ബാങ്കിൽ രക്തദാന ക്യാമ്പ് സംഘടിപ്പിച്ചു.

ജനറൽ സെക്രട്ടറി വി ചന്ദ്രൻ നായർ പരിപാടി ഉൽഘാടനം ചെയ്തു സംസാരിച്ചു. സംസ്ഥാന തലത്തിൽ കൂടുതൽ കേന്ദ്രങ്ങളിലേക്ക് തങ്ങളുടെ പ്രവർത്തനങ്ങൾ വ്യാപിപ്പിക്കാനുള്ള ഒരുക്കത്തിലാണ് തങ്ങളുടെ സംഘടനയെന്നും ഉടൻ തന്നെ ഇത്തരത്തിലുള്ള സന്നദ്ധ പരിപാടികൾ ജില്ലയ്ക്ക് അകത്തും പുറത്തും നടത്തുമെന്നും അദ്ദേഹം പറഞ്ഞു.

പതിമൂന്നോളാം ബിഎസ്എഫ് ജവന്മാരുടെ കുടുബാംഗങ്ങൾ പങ്കെടുത്ത ചടങ്ങിന് നേതൃത്വം നൽകിയത് കോ-ഓർഡിനേറ്റർ സതീഷ് കുമാറാണ്. ബിഎസ്എഫ് കുടുബാംഗങ്ങൾക്ക് ഒപ്പം സംഘടന സെക്രട്ടറി ബൈജു നാരായണൻ, ട്രഷറർ സുനിൽ കുമാർ, രതീഷ് മോഹൻ എന്നിവരും രക്തദാനത്തിൽ പങ്ക് ചേർന്നു.

തിരുവനന്തപുരം മെഡിക്കൽ കോളേജ് ബ്ലഡ് ബാങ്ക് എച്ചഒഡി ഡോ. മായ, ഡോ ബീന എന്നിവരുടെ സഹകരണത്തിൽ നടന്ന ചടങ്ങിൽ ബ്ലഡ് ബാങ്കിനെ പ്രതിനിധികരിച്ചു ഡോ. ഹർഷയും പങ്കെടുത്തു.