തനി ഒരുവൻ എന്ന ചിത്രത്തിന് ശേഷം ജയം രവി-അരവിന്ദ് സാമി കൂട്ട്‌കെട്ട് വീണ്ടും എത്തുന്നു. ബോഗൻ എന്നു പേരിട്ടിരിക്കുന്ന ചിത്രത്തിന്റെ ടീസർ പുറത്തിറങ്ങി. ലക്ഷമൺ സംവിധാനം ചെയ്യുന്ന ചിത്രം പ്രഭു ദേവയാണ് നിർമ്മിച്ചിരിക്കുന്നത്.

ഹൈടെക് സസ്പെൻസ് ത്രില്ലറായാണ് ചിത്രം ഒരുക്കിയിരിക്കുന്നത്. പൊലീസ് ഓഫീസറുടെ വേഷമാണ് ജയം രവിയുടേത്. ഹൻസിക നായികയായെത്തുന്ന ചിത്രത്തിൽ വില്ലൻ വേഷത്തിലാണ് അരവിന്ദ് സാമി എത്തുന്നത്. ഈ വർഷം അവസാനത്തോടെ ചിത്രം റിലീസ് ചെയ്യും.

നേരത്തെ നിക്കോളാസ് കേജും, ജോൺ ട്രിവോൾട്ടയും കേന്ദ്ര കഥാപാത്രങ്ങളെ അവതരിപ്പിച്ച ഫേസ് ഓഫ് എന്ന ചിത്രത്തിന്റെ കോപ്പിയടിയാണ് ബോഗൻ എന്ന് പറയപ്പെട്ടിരുന്നു. പോണ്ടിച്ചേരിയിലും ചെന്നൈയിലുമായാണ് സിനിയുടെ ചിത്രീകരണം നടന്നത്.