ഒട്ടാവ: കനേഡിയൻ നഗരമായ ടൊറന്റോയിലെ ഇന്ത്യൻ റെസ്റ്റോറന്റിലുണ്ടായ സ്ഫോടനം. അപ്രതീക്ഷിതമായി ഉണ്ടായ സ്‌ഫോടനത്തിൽ പതിനഞ്ച് പേർക്ക് പരിക്കേറ്റതായി റിപ്പോർട്ട്. മിസിസാഗയിലെ ബോബെ ഭേൽ റെസ്റ്റോറന്റിലാണ് സ്ഫോടനമുണ്ടായത്.

വ്യാഴാഴ്ച രാത്രി പത്ത് മുപ്പതോടെയാണ് സ്ഫോടനമുണ്ടായത്. സ്ഫോടനകാരണം വ്യക്തമായിട്ടില്ല. പരിക്കേറ്റവരിൽ മൂന്ന് പേരുടെ നില അതീവ ഗുരുതരമാണെന്ന് പീൽ റീജിയണൽ പാരാമെഡിക്കൽ സർവീസ് ട്വീറ്റ് ചെയ്തു. സംഭവത്തിൽ അന്വേഷണം പുരോഗമിക്കുകയാണ്.

അതേസമയം, അജ്ഞാതരായ രണ്ടുപേർ സ്ഫോടന വസ്തുക്കളുമായി റസ്റ്ററന്റിനുള്ളിലേക്കു പോകുന്നതിന്റെ ചിത്രം പൊലീസ് പുറത്തുവിട്ടിട്ടുണ്ട്.