ഡോ.ആർ.വിജയലത രചിച്ച് കേരള ഭാഷാ ഇൻസ്റ്റിറ്റ്യൂട്ട് പ്രസിദ്ധീകരിച്ച വാർധക്യം: ആധുനികാനന്തര മലയാള ചെറുകഥകളിൽ എന്ന പുസ്തകം വെള്ളിയാഴ്ച വൈകീട്ട് 5മണിക്ക് തിരുവനന്തപുരത്ത് പ്രസ് ക്ലബ് കോൺഫറൻസ് ഹാളിൽ മന്ത്രി കടകംപള്ളി സുരേന്ദ്രൻ പ്രകാശനം ചെയ്യും. കവിയും ഗാനരചയിതാവുമായ ചുനക്കര രാമൻകുട്ടി പുസ്തകം സ്വീകരിക്കും.

കേരള ഭാഷാ ഇൻസ്റ്റിറ്റ്യൂട്ട് ഡയറക്ടർ പ്രൊഫ.വി.കാർത്തികേയൻ നായർ അദ്ധ്യക്ഷത വഹിക്കും. ഡോ.സി.ഉദയകല പുസ്തകപരിചയം നടത്തും. കവി ഡോ.ബിജു ബാലകൃഷ്ണൻ, ആർ.വിജയലത, ഡോ.റ്റി.ഗംഗ എന്നിവർ സംസാരിക്കും.