വിജയമന്ത്രങ്ങൾ കാലികപ്രസക്തവും ഉപകാരപ്രദവും ചന്ദ്രമോഹൻ പിള്ള

ദോഹ. ഡോ. അമാനുല്ല വടക്കാങ്ങരയുടെ വിജയമന്ത്രങ്ങൾ കാലികപ്രസക്തവും ഉപകാരപ്രദവുമാണെന്ന് പ്രമുഖ സാംസ്‌കാരിക പ്രവർത്തകനും ദുഃഖാൻ ബാങ്ക് ഫെസിലിറ്റീസ് മാനേജ്മെന്റ്് മേധാവിയുമായി ചന്ദ്രമോഹൻ പിള്ള അഭിപ്രായപ്പെട്ടു. ഗ്രന്ഥകാരനിൽ നിന്നും പുസ്തകം ഏറ്റുവാങ്ങി സംസാരിക്കുകയായിരുന്നു അദ്ദേഹം.

മനോഹരമായ ആശയങ്ങൾ വശ്യമായ രീതിയിൽ അവതരിപ്പിക്കുന്ന വിജയമന്ത്രങ്ങളുടെ പോഡ്കാസ്റ്റ് ഏറെ ആവേശത്തോടെയാണ് കേൾക്കാറുള്ളത് . ജീവിതം അടയാളപ്പെടുത്തുന്ന സുപ്രധാനമായ ആശയങ്ങളും സന്ദേശങ്ങളുമാണ് വിജയമന്ത്രങ്ങളെ വ്യതിരിക്തമാക്കുന്നതെന്ന് അദ്ദേഹം പറഞ്ഞു.

ജീവിതത്തെ മുന്നോട്ടുനയിക്കുവാനും പ്രചോദിപ്പിക്കുവാനും സഹായകമായ ഇത്തരം സംരംഭങ്ങൾ കാലഘട്ടത്തിന്റെ ആവശ്യമാണെന്ന് അദ്ദേഹം പറഞ്ഞു.