ദോഹ. ഖത്തർ പ്രവാസിയായ മുഹമ്മദ് ഹുസൈൻ വാണിമേലിന്റെ ഓർമകളും അനുഭവക്കുറിപ്പുകളും നിരീക്ഷണങ്ങളും കോർത്തിണക്കിയ 'പെയ്‌തൊഴിയാത്ത ഓർമക്കാലം എന്ന പുസ്തകത്തിന്റെ പ്രകാശനം ദോഹയിൽ നടന്നു.

കോവിഡ് നിയന്ത്രണങ്ങളുടെ പശ്ചാത്തലത്തിൽ ഖത്തർ ഇൻസ്റ്റിറ്റ്യൂട്ട് ഫോർ സ്പീച് & ഹിയറിങ്ങ് കോൺഫറൻസ് ഹാളിലെ ലളിതമായ ചടങ്ങിലാണ് പ്രകാശനം നടന്നത്.

ഖത്തർ ഇൻസ്റ്റിറ്റ്യൂട്ട് ഫോർ സ്പീച് & ഹിയറിങ്ങ് സിഇഒ നിയാസ് കാവുങ്ങലിന് ആദ്യ പ്രതി നൽകി ഗ്രന്ഥകാരനും അദ്ധ്യാപകനുമായ ഡോ. കെസി. സാബുവാണ് പുസ്തകം പ്രകാശനം ചെയ്തത്.

എഴുത്തുകാരനായ തൻസീം കുറ്റ്യാടി, കലാ-സാസ്‌കാരിക പ്രവർത്തകനായ സുനിൽ പെരുമ്പാവൂർ, അസ്ലം കൊടുമയിൽ, ശമീൽ അഹമ്മദ്, സലാഹ് കാലിക്കറ്റ്, ഷമീം, ഗ്രന്ഥകാരൻ ഹുസൈൻ വാണിമേൽ എന്നിവർ സംബന്ധിച്ചു

 

'പെയ്‌തൊഴിയാത്ത ഓർമക്കാലം