പ്രഭാവർമയുടെ ശ്യാമമാധവത്തെക്കുറിച്ച് പ്രമുഖചിന്തകനും എഴുത്തുകാരനുമായ സി.അശോകൻ സമ്പാദനവും പഠനവും നടത്തി കേരള ഭാഷാ ഇൻസ്റ്റിറ്റ്യൂട്ട് പ്രസിദ്ധീകരിച്ച ശ്യാമമാധവപഠനങ്ങൾ എന്ന പുസ്തകം തിരുവനന്തപുരം പ്രസ്‌ക്ലബിൽ പ്രൊഫ.എം.കെ.സാനു പ്രകാശനം ചെയ്തു. ശ്യാമമാധവകൃതിയുടെ രചയിതാവ് കവി പ്രഭാവർമയുടെ സാന്നിധ്യത്തിൽ സ്വാമി സന്ദീപാനന്ദഗിരി പുസ്തകം ഏറ്റുവാങ്ങി.

കേരള ഭാഷാ ഇൻസ്റ്റിറ്റ്യൂട്ട് ഡയറക്ടർ പ്രൊഫ.വി.കാർത്തികേയൻ നായർ അദ്ധ്യക്ഷത വഹിച്ചു. സി.അശോകൻ പുസ്തകപരിചയം നടത്തി. പി.എസ്.സി അംഗം ആർ.പാർവതീദേവി, കവി ഡോ.ബിജു ബാലകൃഷ്ണൻ, ഭാഷാ ഇൻസ്റ്റിറ്റ്യൂട്ട് റിസർച്ച് ഓഫീസർ റാഫി പൂക്കോം എന്നിവർ സംസാരിച്ചു. 250 രൂപയാണ് പുസ്തകത്തിന്റെ വില.