ദോഹ : ബ്രാഡ്മാ ഗ്രൂപ്പ് റിക്രിയേഷൻ ക്ലബ്ബിന്റെ ആഭിമുഖ്യത്തിൽ ഖത്തർ ദേശീയ കായിക ദിനം സമുചിതമായി ആഘോഷിച്ചു. വുകൈറിലെ വെയർഹൗസിൽ നടന്ന ചടങ്ങിൽ വടംവലി, പഞ്ചഗുസ്തി, പെനാൽറ്റി ഷൂട്ടൗട്ട് തുടങ്ങിയ മത്സരങ്ങൾ സംഘടിപ്പിച്ചു.

ബ്രാഡ്മാ ഖത്തർ ഫുഡ് വെയർ ഹൗസ് ടീം ഓവറോൾ ചാമ്പ്യന്മാരായി. ബ്രാഡ്മാ ഗ്രൂപ്പ് ചെയർമാൻ കെ.എൽ ഹാഷിം, എക്സിക്യൂട്ടീവ് ഡയറക്ടർ ഹാഫിസ് ഹാഷിം, ശാദുലി, മുസമ്മിൽ, സലാം, ഹാരിസ്, രാജീവൻ, ജലീൽ, സിജിത്ത് എന്നിവർ സമ്മാനങ്ങൾ വിതരണം ചെയ്തു. റഹ്മത്തുല്ല, സുബൈർ, റിഷിൻ, സലാം, തബ്ഷീർ, അൻസാരി എന്നിവർ മത്സരങ്ങൾ നിയന്ത്രിച്ചു.