ടൊറോന്റോ: ഗുരുവായൂരപ്പൻ ക്ഷേത്രത്തിന്റെയും ഓം കൾച്ചറൽ വേദിയുടെയും നേതൃത്വത്തിൽ നടന്ന ഈ വർഷത്തെ മണ്ഡല അയ്യപ്പപൂജയിൽ നൂറുകണക്കിന് ഭക്തർ പങ്കെടുത്ത് സായൂജ്യമടഞ്ഞു. താലപ്പൊലിയുടെയും ചെണ്ടമേളത്തിന്റെയും അകമ്പടിയോടുകൂടി ധർമ്മശാസ്താവിനെ എതിരേൽപ്പിനുശേഷം വിളക്കുപൂജ, പറവെയ്പ് എന്നീ ചടങ്ങുകൾ പരമ്പരാഗതരീതിയിൽ നടത്തി.

ഉടുക്കുകൊട്ടിപ്പാട്ട്, ഭജന എന്നിവ ചടങ്ങുകൾക്ക് ചാരുതയേകി. മുഖ്യ തന്ത്രി ദിവാകരൻ നമ്പൂതിരിപ്പാട്, പൂജാരി മനോജ് എന്നിവർ ചടങ്ങുകളുടെ കാർമ്മികത്വം വഹിച്ചു.