കൂൾ ലുക്കിൽ ജോൺ കാറ്റാടിയും ഈശോ കാറ്റാടിയും; ബ്രോ ഡാഡിയിലെ ആദ്യ ഗാനമെത്തി; ദീപക് ദേവിന്റെ സംഗീതത്തിൽ വിനീത് ശ്രീനിവാനസനും എം ജി ശ്രീകുമാറും'പറയാതെ വന്നെൻ''

മോഹൻലാല്- പൃഥ്വിരാജ് കൂട്ടുകെട്ടിലിറങ്ങുന്ന പുതിയ ചിത്രം ബ്രോ ഡാഡിയിലെ ആദ്യഗാനം പുറത്തിറങ്ങി. പറയാതെ വന്നെൻ ജീവനിൽ എന്ന് തുടങ്ങുന്ന ഗാനം ആലപിച്ചിരിക്കുന്നത് എം.ജി. ശ്രീകുമാറും വിനീത് ശ്രീനിവാസനും ചേർന്നാണ്. ദീപക് ദേവാണ് സംഗീതസംവിധാനം.

മോഹൻലാൽ, പൃഥ്വിരാജ്, മീന, കല്ല്യാണി പ്രിയദർശൻ തുടങ്ങിയവരാണ് ഗാനരംഗത്ത് പ്രത്യക്ഷപ്പെട്ടിരിക്കുന്നത്. ലക്ഷ്മി ശ്രീകുമാറിന്റേതാണ് വരികൾ. ലൂസിഫറി'നു ശേഷം മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ചിത്രമാണിത്. അക്കാരണത്താൽ തന്നെ പ്രേക്ഷകരുടെ സജീവശ്രദ്ധ നേടിയെടുത്ത ചിത്രവും.

ശ്രീജിത്ത് എൻ, ബിബിൻ മാളിയേക്കൽ എന്നിവരുടേതാണ് തിരക്കഥ. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് നിർമ്മാണം. 'ദൃശ്യം 2'നു ശേഷം മോഹൻലാലിന്റേതായി ഡയറക്റ്റ് ഒടിടി റിലീസ് ചെയ്യപ്പെടുന്ന ചിത്രമാണിത്. ഡിസ്‌നി പ്ലസ് ഹോട്ട്സ്റ്റാറിലൂടെ ജനുവരി 26നാണ് റിലീസ്. മോഹൻലാൽ, പൃഥ്വിരാജ് എന്നിവർക്കൊപ്പം മീന, കല്യാണി പ്രിയദർശൻ, കനിഹ, ലാലു അലക്‌സ്, ജഗദീഷ്, സൗബിൻ ഷാഹിർ, ഉണ്ണി മുകുന്ദൻ, മല്ലിക സുകുമാരൻ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. അഭിനന്ദൻ രാമാനുജമാണ് ഛായാഗ്രഹണം. എഡിറ്റിങ് അഖിലേഷ് മോഹൻ.