കാൽഗറി: കാൽഗറിയിലെ സെന്റ് മേരീസ് ഓർത്തഡോക്സ് ചർച്ച് അവരുടെ ഇടവകദിനവും ക്രിസ്തുമസ്ആഘോഷവും നടത്തുന്നു. 2020 ഡിസംബർ 20 ഞായറാഴ്ച വൈകുന്നേരം 06:00 മുതൽ സൂംവഴിയാണ് ഇത് നടത്തപ്പെടുന്നത്

ഡൽഹി ഭദ്രാസന അധിപൻ അഭിവന്ദ്യ ഡോ. യൂഹനൻ മാർ ഡെമെട്രിയോസിന്റെ ശുഭസാന്നിധ്യം ഈഅവസരത്തിൽ ഉണ്ടായിരിക്കുന്നതായിരിക്കും .കൂടാതെ, കുട്ടികൾക്ക് സന്ദേശംനൽകുവാനായി ഇന്ത്യയിൽനിന്ന് ഒരു പ്രത്യേക അതിഥിയുടെ മഹനീയസാന്നിധ്യവും ഉണ്ടായിരിക്കും.

ഈപരിപാടിയുടെ കോർഡിനേറ്റർമാരായ ആനി അബ്രഹാമും, ജിജു മാത്യുവും സൺഡേസ്‌കൂൾ കുട്ടികളുടെയും, യുവജനങ്ങളുടെയും വൈവിധ്യമാർന്ന പ്രോഗ്രാമുകൾ അവതരിപ്പിക്കാൻ വേണ്ടി അക്ഷീണം പ്രവർത്തിക്കുന്നു. പരിപാടിയുടെ വിജയത്തിനായി എല്ലാ ഇടവകക്കാരുടെയും സഹകരണവും, സാന്നിധ്യവും ഇടവക വികാരി ഫാ. ജോർജ് .എസ് .വർഗീസ് സാദരം ക്ഷണിക്കുന്നു .

 

 

കാൽഗറി