രാജ്യത്തെ നാല് കാൾടെക്‌സ് സ്റ്റേഷനുകളിൽ ഇലക്ട്രിക് വാഹനങ്ങൾക്കുള്ള അതിവേഗ ചാർജിങ് പോയിന്റ് വരുന്നു; പദ്ധതി ഈ വർഷം അവസാനത്തോടെ
എസ്പി ഗ്രൂപ്പും ഷെവ്റോൺ സിംഗപ്പൂരും തമ്മിലുള്ള പങ്കാളിത്തത്തിൽ നാല് കാൽടെക്‌സ് സർവീസ് സ്റ്റേഷനുകൾ ഉടൻ തന്നെ ഇലക്ട്രിക് വാഹനങ്ങൾക്ക് അതിവേഗ ചാർജിങ് പോയ്ന്റ് നടപ്പിലാക്കും.3700 യിഷുൻ റിങ് റോഡ്, 78 ചാംഗി റോഡ്, 100 ജുറോംഗ് വെസ്റ്റ് അവന്യൂ 1, 130 ഡുനെർൻ റോഡ് എന്നീ നാല് സ്റ്റേഷനുകളിൽ ആണ് ഈ വർഷം രണ്ടാം പാദത്തോടെ ചാർജറുകൾ സ്ഥാപിക്കുക.
50 കിലോവാട്ട് ഡയറക്റ്റ് കറന്റ് (ഡിസി) ചാർജറുകൾ സജ്ജീകരിച്ചിരിക്കുന്നതിനാൽ 30 മിനിറ്റിനുള്ളിൽ ഒരു ഇവി ചാർജ് ചെയ്യാൻ കഴിയുമെന്നതാണ് ഇതിന്റെ പ്രത്യേകത. നാലാമത്തേ സ്‌റ്്‌റേഷനായ ചാംഗിയിൽ രണ്ട് 50 കിലോവാട്ട് ഡിസി പോയിന്റുകൾ ഉണ്ടാകും, അത് 100 കിലോവാട്ട് വേഗത വരെ ചാർജ് ചെയ്യാൻ അനുവദിക്കും. മറ്റ് മൂന്ന് സർവീസ് സ്റ്റേഷനുകളിൽ ഓരോന്നിനും 50 കിലോവാട്ട് ഡിസി ചാർജർ ഉണ്ടായിരിക്കും.ചാർജ്ജിങ് ഫീസ് 46.63 സെന്റ് / കിലോവാട്ട് ആയിരിക്കും.
ചാർജറുകൾ 2021 ന്റെ രണ്ടാം പാദത്തോടെ ഇൻസ്റ്റാൾ ചെയ്യും, കൂടാതെ എസ്പി യൂട്ടിലിറ്റീസ് മൊബൈൽ അപ്ലിക്കേഷനിൽ ഇത് ഉൾപ്പെടുത്തുകയും, ഇത് ഇവി ഡ്രൈവർമാർക്ക് ഏറ്റവും അടുത്തുള്ള ചാർജിങ് പോയിന്റുകൾക്കായി തിരയാനും അവരുടെ ചാർജിങ് സെഷനുകളിൽ തത്സമയ അപ്ഡേറ്റുകൾ സ്വീകരിക്കാനും നേരിട്ടുള്ള, പണരഹിതമായ പേയ്മെന്റ് നടത്താനും അനുവദിക്കുന്നു.
