നോർത്ത് അമേരിക്കൻ നേഴ്സസ് മലയാളി അസോസിയേഷൻ ഗ്രീഷ്മകാല സമ്മേളനം അവിസ്മരണീയമായി

നന്മ (നോർത്ത് അമേരിക്കൻ നേഴ്സസ് മലയാളി അസോസിയേഷൻ) യുടെ 2023 ഗ്രീഷ്മകാല സമ്മേളനം, ജൂലൈ പതിനഞ്ചിനു കാനഡയിലെ ഒന്റേരിയോ പ്രവിശ്യയിലെ കിച്ച്‌നറിൽ വെച്ച്, അസോസിയേഷൻ പ്രസിഡന്റ്, ജ്യോതിസ് സജീവിന്റെ അദ്ധ്യക്ഷതയിൽ ചേർന്ന യോഗത്തിൽ ഒന്റേരിയോ പൊലീസ് മേധാവി ലോറി ഡൂനൻ ഉദ്ഘാടനം ചെയ്തു.

തുടർന്ന് നടന്ന ചടങ്ങിൽ ,വൈദ്യ ശാസ്ത്ര പ്രബന്ധങ്ങൾ അവതരിപ്പിച്ചതോടൊപ്പം തന്നെ ആതുര സേവന രംഗത്ത് സ്തുത്യർഹമായ സംഭാവനകൾ നൽകിയ മലയാളി റിട്ടേയർഡ് നഴ്സസിനെ ആദരിക്കുകയും ഒപ്പം വർണ്ണ ശബളമായ സാംസ്കാരിക കലാപരിപാടികൾ അരങ്ങേറുകയും ചെയ്തു.

ചടങ്ങിൽ അസോസിയേഷൻ സെക്രട്ടറി അനുമോൾ ജോസഫ് സ്വാഗതവും, വൈസ് പ്രസിഡന്റ് ജോർളി ജോസഫ് നന്ദിയും പ്രകാശിപ്പിച്ചു.