തൃശൂരിൽ വനിതാ സ്ഥാനാർത്ഥിയുടെ സ്കൂട്ടർ കത്തിച്ചു; പ്രചാരണസാമഗ്രികളും നശിപ്പിച്ച നിലയിൽ

കൊടുങ്ങല്ലുർ: തൃശൂരിൽ യു.ഡി.എഫ്​ സ്​ഥാനാർഥിയുടെ സ്​കൂട്ടർ കത്തിച്ചു. ജില്ലാ പഞ്ചായത്ത് കൈപ്പമംഗലം ഡിവിഷൻ യു.ഡി.എഫ് സ്ഥാനാർത്ഥി വാണി പ്രയാഗിന്റെ ആക്ടിവ സ്​കൂട്ടറാണ്​ അജ്​ഞാതർ കത്തിച്ചത്​. എസ്.എൻ.പുരം ശംഖുകുളങ്ങര കാടിന് സമീപമുള്ള വീട്ടിനു മുൻപിൽ വെച്ചിരുന്ന വാഹനം തിങ്കളാഴ്ച പുലർച്ചെ മൂന്നു മണിയോടെയാണ് കത്തിച്ചത്​. തീ ആളിപ്പടർന്ന്​ വീടിന്റെ ജനൽ ചില്ലും തകർന്ന നിലയിലാണ്. പരിസരത്ത് മുളക് പൊടിയും വിതറുകയും പ്രചാരണസാമഗ്രികൾ നശിപ്പിക്കുകയും ചെയ്​തിട്ടുണ്ട്. വിവരമറിഞ്ഞ് മതിലകം പൊലീസും യു.ഡി.എഫ് നേതാക്കളും സ്ഥലത്തെത്തി. പൊലീസ് അന്വേഷണം ആരംഭിച്ചു.