അയർലണ്ട് മലയാളികളുടെ ഏറ്റവും വലിയ സംഗമമായ ,കേരള ഹൗസ് കാർണിവൽ ഇത്തവണ ജൂൺ പതിനേഴു ശനിയാഴ്ച രാവിലെ 8 മുതൽ വൈകിട്ട് 8 വരെ പതിവ് വേദിയായ ലൂക്കനിലെ യൂത്ത് സെന്ററിൽ നടത്തപ്പെടും.

കഴിഞ്ഞ ആറു വർഷങ്ങളായി അയർലണ്ടിലെ മുഴുവൻ മലയാളി സമൂഹത്തിന്റെയും പിന്തുണയോടെ ആയിരക്കണക്കിന് മലയാളികളാണ് കാർണിവൽ വേദിയിൽ എത്തിചേരാറുള്ളത്. വിവിധ തരത്തിലുള്ള കലാ കായിക മത്സരങ്ങൾക്ക് പുറമേ കുടുംബസമേതം ഒരു സമ്മർ ദിനം ആഘോഷിക്കാൻ തക്കതായ എല്ലാ സജ്ജീകരണങ്ങളും ഇക്കുറിയും കാർണിവലിന് കേരളഹൗസ് ഒരുക്കുന്നുണ്ട്.

കഴിഞ്ഞ വർഷങ്ങളിൽ ഉണ്ടായ നിയന്ത്രണാതീതമായ തിരക്കും ,പൊതുജന അഭിപ്രായവും മാനിച്ച്,ഇത്തവണ ചാമ്പ്യൻസ് ട്രോഫി ക്രിക്കറ്റിന്റെ സെമി ,ഫൈനൽ മത്സരങ്ങൾ മാത്രമേ കാർണിവൽ ദിനത്തിൽ നടത്തുകയുള്ളൂ.ബാക്കി പ്രാഥമിക റൗണ്ട് മത്സരങ്ങൾ തലേ ആഴ്ച നടതപ്പെടുന്നതാണ്. ഇതുമൂലം രാവിലെ 11 ന് ശേഷം വാഹനങ്ങൾക്കുള്ള പാർക്കിങ് സൗകര്യങ്ങൾക്കും മറ്റു വിനോദങ്ങൽക്കുമായി ഗ്രൌണ്ട് മുഴുവനായും ഉപയോഗ യോഗ്യമായിരിക്കും .പതിവായി കാർണിവലിന് നടത്തപ്പെടുന്ന പരിപാടികൾക്ക് പുറമേ ഇക്കുറി കുട്ടികൾക്കായി കേരളാ ഹൗസ് ഒരു ഗെയിം സോണും ,അയർലണ്ടിലെ മലയാളി കലാകാരന്മാർ അണിയിച്ചൊരുക്കുന്ന സമകാലീന സംഭവങ്ങളെ കൂട്ടിയിണക്കുന്ന തെരുവ് നാടകവും അരങ്ങേറുന്നതാണ്.

അതുപോലെ തന്നെ അയർലണ്ടിലെ ചെറുതും വലുതുമായ സംഘടനകൾക്കോ മറ്റു കൂട്ടായ്മകൾക്കോ,വ്യക്തികൾക്കോ ഏതു വിധത്തിലുള്ള വിനോദ പരിപാടികളും അവതരിപ്പിക്കാനുള്ള അവസരവും കേരളഹൗസ് ഒരുക്കുന്നതാണ്.

വലിയ തോതിലുള്ള മലയാളികളുടെ അയർലണ്ട് കുടിയേറ്റം ഒരു പതിറ്റാണ്ട് പിന്നുടുമ്പോൾ ,മലയാളികൾക്ക് മാത്രമായി വർഷത്തിൽ ഒരു ദിനം എന്ന കാഴ്ചപ്പാടിൽ തുടക്കം കുറിച്ച കാർണിവൽ ഇത്തവണയും ഓരോ മലയാളിയും ഏറ്റെടുക്കും എന്ന ശുഭ പ്രതീക്ഷയോടെ കേരളഹൗസ് ഏവരെയും കാർണിവലിലേയ്ക്ക് സ്വാഗതം ചെയ്യുന്നു

കൂടുതൽ വിവരങ്ങൾക്ക്
ROY-0892319427
UDAY-0863527577
VINOD-0871320706
JESTINE-0872671587
BINILA-0877694421