ഓൺലൈൻ പഠനത്തിനിടെ വിദ്യാർത്ഥിനിക്ക് മൊബൈൽ ഫോണിൽ അശ്ലീല സന്ദേശം; യുവാവിനെതിരെ പോക്‌സോ ചുമത്തി കേസെടുത്തു

തളിപ്പറമ്പ്: ഓൺലൈൻ പഠനത്തിനിടെ പ്രായപൂർത്തിയാകാത്ത പെൺകുട്ടിക്ക് മൊബൈൽ ഫോണിൽ അശ്ലീല ദൃശ്യങ്ങൾ അയച്ചുകൊടുത്ത യുവാവിനെതിരേ പോക്സോ നിയമപ്രകാരം കേസെടുത്തു. ചെറുതാഴത്തെ സുധീഷിനെ(32)തിരേയാണ് പരിയാരം പൊലീസ് പോക്സോ നിയമപ്രകാരം കേസെടുത്തത്.

വിവാഹം കഴിക്കാമെന്ന് പ്രലോഭിപ്പിച്ച് പ്രതി 2020 ഏപ്രിൽ മുതൽ ഇക്കഴിഞ്ഞ മെയ് മാസം വരെയുള്ള കാലയളവിൽ നിരന്തരം അശ്ലീല വീഡിയോകൾ അയച്ച് ശല്യം ചെയ്യുകയായിരുന്നു. ഇക്കാര്യം പെൺകുട്ടി വീട്ടുകാരോട് വിവരം പറഞ്ഞതിനെ തുടർന്ന് ചൈൽഡ് ലൈനിൽ പരാതി നൽകുകയും തുടർന്ന് ചൈൽഡ് ലൈൻ വിവര മറിയിച്ചതിനെ തുടർന്ന് പെൺകുട്ടിയുടെ മൊഴി രേഖപ്പെടുത്തിയ പരിയാരം പൊലീസ് പോക്സോ നിയമപ്രകാരം കേസെടുത്ത് അന്വേഷണമാരംഭിച്ചിട്ടുണ്ട്.