ന്യൂഡൽഹി: സി.ബി.എസ്.ഇ ബോർഡ് പരീക്ഷകളുടെ തീയതി ഈ മാസം 31ന് പ്രഖ്യാപിക്കുമെന്ന് കേന്ദ്ര വിദ്യാഭ്യാസ മന്ത്രി രമേഷ് പൊഖ്രിയാൽ. തന്റെ ട്വിറ്റർ പേജിലൂടെയാണ് മന്ത്രി ഇക്കാര്യം അറിയിച്ചത്. ജനുവരി,​ ഫെബ്രുവരി മാസങ്ങളിൽ പരീക്ഷകൾ കാണില്ലെന്ന് മന്ത്രി നേരത്തെ അറിയിച്ചിരുന്നു.അതേസമയം കേരളത്തിൽ എസ്.എസ്.എൽ.സി,​ പ്ലസ് ടു പരീക്ഷകൾ മാർച്ച് 17 മുതൽ നടത്തും. എസ്.എസ്.എൽ.സി,​ പ്ലസ് ടു ക്ലാസുകൾ ജനുവരി നാലുമുതൽ ആരംഭിക്കാനും വിദ്യാഭ്യാസ വകുപ്പ് തീരുമാനിച്ചിട്ടുണ്ട്. സംസ്ഥാനത്തെ കോളേജുകളിലും ജനുവരി നാലുമുതൽ അദ്ധ്യയനം ആരംഭിക്കും.