ആരോഗ്യ പ്രശ്‌നങ്ങളുള്ളവരും ഇരട്ടപദവിക്കാരും കടക്ക് പുറത്ത്; ജോലി ചെയ്ത് പാർട്ടി പ്രവർത്തനം നടത്താമെന്നും ആരും കരുതേണ്ട; ജോലിയുള്ളവരെ പാർട്ടി സ്ഥാനങ്ങളിൽ നിന്ന് ഒഴിവാക്കും; യുവാക്കൾക്ക് പ്രതീക്ഷക്ക് വഴിയുണ്ട്; മാറ്റത്തിനൊരുങ്ങി സി.പി.എം
തിരുവനന്തപുരം: അടുത്ത പാർട്ടി സമ്മേളനത്തോടെ വലിയ മാറ്റത്തിനൊരുങ്ങുകയാണ് സി.പി.എം. മാറ്റം കൊണ്ട് കുറച്ച്‌പേർക്ക് ഗുണം ഉണ്ടാവുമ്പോൾ കുറച്ചുപേർ പുറത്താകും. ഇതിനായി ആദ്യം ചെയ്യുന്നത് ആരോഗ്യ പ്രശ്‌നമുള്ളവരെയും ഇരട്ടപ്പദവിക്കാരെയും പ്രധാന പാർട്ടി ചുമതലകളിൽ നിന്ന് ഒഴിവാക്കും. ഒപ്പം ജോലി ചെയ്യുന്നവർക്കും പ്രധാന സ്ഥാനങ്ങൾ വഹിക്കാൻ കഴിയില്ല. എന്നാൽ യുവാക്കൾക്ക് പ്രതീക്ഷക്ക് വകയുണ്ടെന്നാണ് സർക്കുലർ നൽകുന്ന സൂചന. ആരോഗ്യ പ്രശ്‌നവും പ്രായാധിക്യവുമുള്ള മുതിർന്ന സഖാക്കൾക്ക് ഇനി ഉപദേശക സ്ഥാനം നൽകും. ഔദ്യോഗിക തിരക്കുമൂലം ഒന്നിലേറെ പദവികൾ കൈവശം വയ്ക്കുന്നവർക്കു പാർട്ടി പ്രവർത്തനത്തിൽ സജീവമാകാൻ പറ്റുന്നില്ലെന്ന വിലയിരുത്തലോടെയാണു നിർദ്ദേശം. ഇരട്ടിപദവിക്കെതിരെ മുൻപും പാർട്ടി നിലപാടെടുത്തിരുന്നെങ്കിലും കാര്യമായി പ്രാവർത്തികമായിരുന്നില്ല. ഒന്നിലേറെ പദവികൾ ആകാമെന്ന പാർട്ടി മാനദണ്ഡം പല നേതാക്കളും അധികാരവും പദവികളും കൈവശം വയ്ക്കാൻ ദുരുപയോഗം ചെയ്യുന്നുവെന്നും സർക്കുലർ കുറ്റപ്പെടുത്തുന്നു. സമ്മേളനങ്ങൾക്കു മുന്നോടി
തിരുവനന്തപുരം: അടുത്ത പാർട്ടി സമ്മേളനത്തോടെ വലിയ മാറ്റത്തിനൊരുങ്ങുകയാണ് സി.പി.എം. മാറ്റം കൊണ്ട് കുറച്ച്‌പേർക്ക് ഗുണം ഉണ്ടാവുമ്പോൾ കുറച്ചുപേർ പുറത്താകും. ഇതിനായി ആദ്യം ചെയ്യുന്നത് ആരോഗ്യ പ്രശ്‌നമുള്ളവരെയും ഇരട്ടപ്പദവിക്കാരെയും പ്രധാന പാർട്ടി ചുമതലകളിൽ നിന്ന് ഒഴിവാക്കും. ഒപ്പം ജോലി ചെയ്യുന്നവർക്കും പ്രധാന സ്ഥാനങ്ങൾ വഹിക്കാൻ കഴിയില്ല. എന്നാൽ യുവാക്കൾക്ക് പ്രതീക്ഷക്ക് വകയുണ്ടെന്നാണ് സർക്കുലർ നൽകുന്ന സൂചന.
ആരോഗ്യ പ്രശ്‌നവും പ്രായാധിക്യവുമുള്ള മുതിർന്ന സഖാക്കൾക്ക് ഇനി ഉപദേശക സ്ഥാനം നൽകും. ഔദ്യോഗിക തിരക്കുമൂലം ഒന്നിലേറെ പദവികൾ കൈവശം വയ്ക്കുന്നവർക്കു പാർട്ടി പ്രവർത്തനത്തിൽ സജീവമാകാൻ പറ്റുന്നില്ലെന്ന വിലയിരുത്തലോടെയാണു നിർദ്ദേശം.
ഇരട്ടിപദവിക്കെതിരെ മുൻപും പാർട്ടി നിലപാടെടുത്തിരുന്നെങ്കിലും കാര്യമായി പ്രാവർത്തികമായിരുന്നില്ല. ഒന്നിലേറെ പദവികൾ ആകാമെന്ന പാർട്ടി മാനദണ്ഡം പല നേതാക്കളും അധികാരവും പദവികളും കൈവശം വയ്ക്കാൻ ദുരുപയോഗം ചെയ്യുന്നുവെന്നും സർക്കുലർ കുറ്റപ്പെടുത്തുന്നു. സമ്മേളനങ്ങൾക്കു മുന്നോടിയായി താഴേത്തട്ടിലേക്ക് അയച്ച സർക്കുലറിൽ പറയുന്നത്.
മാറ്റം പ്രാവർത്തികമായാൽ അതുകൊണ്ടെ ഏറ്റവും കൂടുതൽ ഗുണം ഉണ്ടാകുന്നത് യുവാക്കൾക്കാകും. രാഷ്ട്രീയ ധാരണയും നേതൃശേഷിയുമുള്ളവരെ പാർട്ടി ചുമതലകളിലേക്കു കൊണ്ടുവരാനാണ് പാർട്ടി തീരുമാനം. യുവാക്കൾക്കു പ്രത്യേക പരിഗണന നൽകണം. രാത്രി വൈകിയും കമ്മിറ്റികളും മറ്റും ചേരേണ്ടതിനാൽ പ്രായമുള്ളവരെയും ആരോഗ്യ പ്രശ്‌നങ്ങളുള്ളവരെയും ഒഴിവാക്കണം. അനുഭവജ്ഞാനമുള്ള ഇവരെ ഉപരി കമ്മിറ്റികളിൽ ഉൾപ്പെടുത്തി ഉപദേശങ്ങൾ സ്വീകരിക്കാം.
ഒഴിവു സമയത്ത് പാർട്ടി പ്രവർത്തനം നടക്കുന്നവർക്ക് പേടിക്കേണ്ടി വരും. മുഴുവൻ സമയം പാർട്ടിക്കുവേണ്ടി പ്രവർത്തിക്കുന്നവരെ മാത്രം ഏരിയ സെക്രട്ടറിമാരാക്കാനാണ് നിർദ്ദേശം. സഹകരണ ബാങ്ക് പ്രസിഡന്റു സ്ഥാനം ചില ഏരിയ സെക്രട്ടറിമാർ വഹിക്കുന്നുണ്ട്. അവരെയും സർക്കാരുമായി ബന്ധപ്പെട്ടു പ്രവർത്തിക്കുന്നവരെയും സെക്രട്ടറി സ്ഥാനത്തു നിന്ന് ഒഴിവാക്കാം.
10 മുതൽ അഞ്ചുവരെ ജോലി ചെയ്തശേഷം ആറുമണിക്കുശേഷം പാർട്ടി പ്രവർത്തനം നടത്തുന്നവരെ ഉൾപ്പെടുത്തേണ്ട. മുൻപു നല്ലതുപോലെ പ്രവർത്തിച്ചിരുന്ന അംഗങ്ങൾ സജീവമല്ലെങ്കിൽ നീക്കംചെയ്യാം.
സഹകരണ ബാങ്ക് ജീവനക്കാർ, സെക്രട്ടറിമാർ, അഭിഭാഷകർ തുടങ്ങിയവർ ലോക്കൽ സെക്രട്ടറിയാകുന്നതു പാർട്ടി പ്രവർത്തനത്തിനു ഗുണകരമല്ല. ഇവരെ ഒഴിവാക്കുകയും പ്രവർത്തിക്കാൻ സമയമുള്ളവരെ ഉൾപ്പെടുത്തുകയും ചെയ്യണം. പ്രവർത്തിക്കാത്ത കമ്മിറ്റി അംഗങ്ങളെ കണ്ടെത്തി ഒഴിവാക്കണമെന്ന പ്ലീനം നിർദ്ദേശം പാലിക്കണം.
ബ്രാഞ്ച് സെക്രട്ടറിമാരിൽ ഭൂരിപക്ഷവും പ്രവർത്തനത്തിൽ ശരാശരിക്കു താഴെയാണെന്നു കണ്ടെത്തിയിട്ടുണ്ട്. ഇത്തരക്കാരെ ഒഴിവാക്കണം. പതിനഞ്ചിൽ കൂടുതൽ അംഗങ്ങളുള്ള ബ്രാഞ്ച് കമ്മിറ്റികൾ വിഭജിക്കണം.
യുവാക്കൾക്കു പ്രാതിനിധ്യം നൽകുന്നതിന് ഏരിയ കമ്മിറ്റികളിൽ 40 വയസ്സിൽ താഴെയുള്ള രണ്ടുപേർ നിർബന്ധമായും വേണം. ബ്രാഞ്ച്, ലോക്കൽ സമ്മേളനത്തിൽ സംസ്ഥാന കമ്മിറ്റി നൽകിയ പ്രസംഗം മാത്രമേ ഉദ്ഘാടനത്തിന് ഉപയോഗിക്കാൻ പാടുള്ളു.
