ലോകത്തെ മികച്ച എയർപോർട്ട് എന്ന സ്ഥാനം കരസ്ഥമാക്കി സിംഗപ്പൂരിലെ ഷാങ്കി വിമാനത്താവളം. തുടർച്ചയായി ആറാം വർഷമാണ് ഷാങ്കി ഈ സ്ഥാനം കരസ്ഥമാക്കുന്നത്. വേൾഡ് എയർപോർട്ട് അവാർഡ് റിസേർച്ച് ഗ്രൂപ്പായ സ്‌കൈട്രൈക്‌സ് നടത്തിയ സർവ്വേയിലാണ് ഷാങ്കി ഒന്നാമതെത്തിയത്.

ലോകത്തെ 500 വിമാനത്താവളങ്ങളിൽ നിന്നും ആയിരക്കണക്കിന് പേർക്കിടയിൽ നടത്തിയ സർവ്വേയിലാണ് ഈ കണ്ടെത്തൽ. ഒമ്പതാം തവണയാണ് എയർപോർട്ട് ഒന്നാം സ്ഥാനം കരസ്ഥമാക്കുന്നത്. സിംഗപ്പൂരിന് പിന്നാലെ രണ്ടാം സ്ഥാനത്ത് സിയോൺ ഇഞ്ചിയോൺ, ടോക്കിയോ ഹാനേഡാ, ഹോങ്്‌കോങ്, ദോഹ ഹമദ്, മ്യൂണിച്ച്, സെൻട്രയർ നാഗോയ, ലണ്ടൻ ഹീത്രൂ, സൂറിച്ച്, ഫ്രാങ്ക്ഫർട്ട് എന്നിവയാണ് പട്ടികയിൽ ഇടം നേടിയത്.