ചെറുപുഴയിൽ മീൻ പിടിക്കുന്നതിനിടെ മധ്യവയസ്‌ക്കൻ ഷോക്കേറ്റു മരിച്ചു; ഷോക്കേറ്റത് പുഴയുടെ തീരത്തുള്ള ജലനിധിക്കായി സ്ഥാപിച്ച മോട്ടോറിൽ നിന്നും

ചെറുപുഴ:പുഴയിൽ നിന്നും മീൻ പിടിക്കുന്നതിനിടെ മധ്യവയസ്‌ക്കൻ ഷോക്കേറ്റു മരിച്ചു. പ്രാപ്പൊയിൽ പെരിന്തടത്തിൽ കല്ലംമാക്കൽ രാജുവാണ് (60) മരിച്ചത്.വ്യാഴാഴ്‌ച്ച ഉച്ചയ്ക്ക് ശേഷം രാജുവിനെ കാണാതായതിനു ശേഷം നാട്ടുകാർ നടത്തിയ തെരച്ചിലിൽ വെള്ളിയാഴ്‌ച്ച പുലർച്ചെ ഒരു മണിയോടെ രാജുവിനെ പുഴയിൽ ഷോക്കേറ്റു മരിച്ച നിലയിൽ കണ്ടെത്തുകയായിരുന്നു.

പുഴയുടെ തീരത്തുള്ള ജലനിധിക്കായി സ്ഥാപിച്ച മോട്ടോറിൽ നിന്നുമാണ് ഷോക്കേറ്റതെന്ന് കരുതുന്നു മൃതദേഹം പരിയാരം മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.ചെറുപുഴ പൊലിസ് സംഭവസ്ഥലത്തെത്തി ഇൻക്വസ്റ്റ് നടത്തി.ഭാര്യ: സുധ. മകൾ: രാജി. മരുമകൻ: സതീഷ് കുമാർ.