മലപ്പുറത്ത് വീണ്ടും ബാല വിവാഹം; വരനെതിരെയും വിവാഹം നടത്താൻ മുഖ്യപങ്കു വഹിച്ച ബന്ധുക്കൾക്കെതിരെയും കാർമികത്വം നൽകിയവർക്കെതിരെയും കേസെടുത്ത് പൊലീസ്

മലപ്പുറം: മഞ്ചേരിയിൽ നടന്ന ബാല്യവിവാഹത്തിൽ കേസെടുത്തു. ആനക്കയം സ്വദേശിയായ 17 കാരിയെ വിവാഹം കഴിച്ച കോഡൂർ സ്വദേശിക്കെതിരെ ആണ് പൊലീസ് കേസെടുത്തത്.വിവാഹം നടത്താൻ മുഖ്യപങ്കു വഹിച്ച ബന്ധുക്കൾക്കെതിരെയും കാർമികത്വം നൽകിയവർക്കെതിരെയും പൊലീസ് കേസെടുത്തിട്ടുണ്ട്.

ജൂലൈ 30നായിരുന്നു വിവാഹം. കേസെടുത്തതിനു പിന്നാലെ പെൺകുട്ടിയെ ചൈൽഡ് വെൽഫയർ കമ്മിറ്റി മുമ്പാകെ ഹാജരാക്കുകയും ഷോർട്ട് സ്റ്റേ ഹോമിലേക്ക് മാറ്റുകയും ചെയ്തു. മലപ്പുറം അഡീഷണൽ ശിശു വികസന പദ്ധതി ഓഫീസർ നൽകിയ വിവരത്തിന്റെ അടിസ്ഥാനത്തിലാണ് കേസ് എടുത്തിരിക്കുന്നത്. മലബാർ ടൈംസ് ന്യൂസ്. ബാലവിവാഹ നിരോധ നിയമപ്രകാരമാണ് മഞ്ചേരി പൊലീസ് കേസ്.