ജിദ്ദ: നെഹ്രുവിനെയും രാഷ്ട്ര പിതാവിനെയുമൊക്കെ ചരിത്രത്തിൽ നിന്നും തുടച്ചുമാറ്റി സംഘ് പരിവാർ  അജണ്ടകൾ നടപ്പിലാക്കുവാൻ ശ്രമിക്കുമ്പോൾ അതിനെതിരെ  ജാഗ്രത പാലിക്കുവാനും പുത്തൻ തലമുറക്ക് ദേശീയ നേതാക്കളെ പരിചയപ്പെടുത്തുവാനും   രക്ഷിതാക്കൾ പരിശ്രമിക്കണമെന്നും  മതേതര മൂല്യങ്ങൾ  കാത്തുസൂക്ഷിക്കുവാൻ പുത്തൻ തലമുറയെ പഠിപ്പിക്കണമെന്നും ഓ ഐ സി സി പ്രസിഡണ്ട് ബിജു കല്ലുമല. ഓ ഐ സി സി  സിയാത്ത് ഏരിയ കമ്മിറ്റി സംഘടിപ്പിച്ച ശിശുദിനാഘോഷം ഉത്ഘാടനം ചെയ്തു സംസാരിക്കുകയായിരുന്നു ബിജു കല്ലുമല.

വനിതാവേദി റീജിണൽ കമ്മറ്റി പ്രസിഡണ്ട് ഡോ.സിന്ധു ബിനു oicc പാലക്കാട് ജില്ലാ പ്രസിഡണ്ട് ശ്യാം പ്രകാശ് കോട്ടയം ജില്ലാ ജനറൽ സെക്രട്ടറി ബിനു പുരുഷോത്തമൻ, രാധിക ശ്യാം പ്രകാശ്, ഡിജോ ജോസഫ് തുടങ്ങിയവർ ശിശുദിന ആശംസകൾ അർപ്പിച്ചു. സൈഹാത്ത് ഏരിയ കമ്മറ്റി പ്രസിഡണ്ട്  SM സാദിഖ് അധ്യക്ഷത വഹിച്ച യോഗത്തിൽ ജനറൽ സെക്രട്ടറി സി.ടി.ശശി സ്വാഗതം പറഞ്ഞു .യൂത്ത് വിങ് പ്രസിഡണ്ട് എബി അടൂർ നന്ദി പറഞ്ഞു .

തുടർന്ന് വിദ്യാർത്ഥികൾക്കായി വിവിധ മത്സരങ്ങളും നടന്നു .ഏരിയ കമ്മറ്റി ഭാരവാഹികളായ മോഹനകുമാർ, മാത്യു ജോർജ്ജ്, രമേഷ് പാലക്കൽ, വി.ഗംഗാധരൻ, അജയൻ ഒയ്യൂർ, ദിലീപ്, പ്രകാശ് മാധവൻ, അബ്ദുൾ സലാം, അഷ്‌കർ, ഹസ്സൻ റാവുത്തർ തുടങ്ങിയവർ നേതൃത്വം നൽകി.