താഴത്തു വീട്ടിൽ ഫിലീംസിന്റെ ബാനറിൽ പ്രവാസി മലയാളിയായ എൻ. ഗോപാലകൃഷ്ണൻ നിർമ്മിക്കുന്ന 'ചിന്ന ദാദ 'ഈ മാസം(ഓഗസ്റ്റ് ) 26 -ന് പ്രദർശനത്തിനെത്തുന്നു .വർഷങ്ങൾക്ക് മുമ്പ് ഒരു ഗ്രാമത്തിൽ നടക്കുന്ന മദ്യദുരന്തവും പിന്നീട് അതിനെ ചുറ്റിപ്പറ്റി നടക്കുന്ന കഥയാണ് 'ചിന്ന ദാദ 'പറയുന്നത്.

പുതുമുഖങ്ങളായ ഹാരീസ് നായകനായും അരുണിമ നായികയായും വേഷമിടുന്ന ഈ ചിത്രത്തിൽ പൊലീസ് ഓഫീസറായി റിയാസ് ഖാനും മുഖ്യ കഥാപാത്രമായി എത്തുന്നു. കൂടാതെ സുധീർ കരമന,കലാഭവൻ ഷാജോൺ,ജയൻ ചേർത്തല ,നസീർ സംക്രാന്തി , പന്തളം ഉല്ലാസ് ,കണ്ണൻ സാഗർ , മനോജ് വാഴപ്പടി, എൻ. ഗോപാലകൃഷ്ണൻ,നീനാ കുറുപ്പ് ,അർച്ചനാ മേനോൻ ,പ്രിയ കല,കൃഷ്ണ പത്മകുമാർ,ഗംഗ .റ്റി. കൃഷ്ണ തുടങ്ങിയവർ അഭിനയിക്കുന്നുണ്ട്.

നക്ഷത്രങ്ങൾ എന്ന സിനിമക്കു ശേഷം രാജു ചമ്പക്കര കഥയും സംവിധാനവും നിർവഹിക്കുന്ന ചിന്ന ദാദ കോട്ടയത്തും പരിസര പ്രദേശങ്ങളിലുമാണ് ചിത്രീകരണം പൂർത്തിയാക്കിയത്.
.
സുഭാഷ് ചേർത്തലയുടെ വരികൾക്ക് സുമേഷ് കുട്ടിക്കൽ സംഗീത സംവിധാനം നിർവഹിച്ചിരിക്കുന്നു. ഡോ. കെ.ജെ യേശുദാസ് , പി. ജയചന്ദ്രൻ ,എം.ജി ശ്രീകുമാർ ,ഷാരോൺ എന്നിവർ ഗാനങ്ങൾ ആലപിച്ചിട്ടുണ്ട്. ഹാസ്യത്തിനും സംഗീതത്തിനും ഒരു പോലെ പ്രാധാന്യം നൽകി ചിത്രീകരിച്ചിട്ടുള്ള ഒരു കുടുംബ ചിത്രമാണ് ചിന്നദാദ.