ഡൽഹി : മുംബൈ അധോലോക നായകൻ ഛോട്ടാരാജൻ കോവിഡ് ബാധയെ തുടർന്ന് മരിച്ചു.61 വയസ്സായിരുന്നു. ഡൽഹി എയിംസിൽ ചികിത്സയിലിരിക്കെയാണ് മരണം. കോവിഡ് മൂർച്ഛിച്ചതിനെ തുടർന്ന് രാജനെ, തിഹാർ ജയിലിലെ ഏകാന്ത തടവിൽ നിന്ന്,ഏപ്രിൽ 26-നാണ്
എയിംസിലേക്ക് മാറ്റിയത്.

കൊലപാതകവും പണംതട്ടലും ഉൾപ്പെടെ 70-ഓളം ക്രിമിനൽ കേസുകളാണ് ഛോട്ടാരാജനെതിരേ മുംബൈയിലുള്ളത്. മാധ്യമപ്രവർത്തകനായ ജ്യോതിർമോയ് ഡേയെ കൊലപ്പെടുത്തിയ കേസിൽ 2018-ൽ ഛോട്ടാരാജനെ ജീവപര്യന്തം തടവിന് ശിക്ഷിച്ചിരുന്നു.നേരത്തെ രാജ്യംവിട്ട ഛോട്ടാരാജനെ 2015-ലാണ് ഇൻഡൊനീഷ്യയിൽനിന്ന് പിടികൂടി തിരികെ എത്തിച്ചത്. തുടർന്ന് തിഹാർ ജയിലിൽ പാർപ്പിച്ചിരി ക്കുകയായിരുന്നു.

തിഹാർ ജയിലിലെ ഏറ്റവും വലിയ ഏകാന്ത സെല്ലിൽ പാർപ്പിച്ചിരുന്ന ഛോട്ടാ രാജൻ ജയിലിലെ ബാക്കി തടവുകാരുമായി ഒരു തരത്തിലും ഇടപെട്ടിരുന്നില്ല. എന്നിട്ടും തിങ്കളാഴ്ചയോടെ രാജന് കോവിഡ് പോസിറ്റീവ് ആയത് എങ്ങനെ എന്നതിൽ ആദ്യമൊക്കെ ജയിൽ അധികൃതർക്കും അതിശയമുണ്ടായിരുന്നു.ഒരു പക്ഷെ, ലക്ഷണങ്ങൾ പ്രകടിപ്പിക്കാതിരുന്ന ഏതെങ്കിലുമൊരു ജയിൽ ഉദ്യോഗസ്ഥനിൽ നിന്നാകാം രാജന് രോഗം പകർന്നു കിട്ടിയത് എന്നൊരു വിശദീകരണമാണ് ഇപ്പോൾ അധികൃതരുടെ ഭാഗത്തുനിന്ന് വരുന്നത്.

തിഹാറിൽ പാർപ്പിച്ചിട്ടുള്ള ഇരുപത്തിനായിരത്തിൽ പരം ജയില്പുള്ളികളിൽ 170 പേർക്കും, അറുപതോളം ജയിൽ ജീവനക്കാർക്കും ഇതുവരെ കോവിഡ് സ്ഥിരീകരിച്ചിട്ടുണ്ട്.

സിനിമാ തീയ്യേറ്ററുകളിൽ ടിക്കറ്റ് ബ്ലാക്കിൽ വിറ്റാണ് ഛോട്ടാ രാജൻ എന്ന രജേന്ദ്ര സദാശിവ് നിഖൽജി തന്റെ ക്രമിനൽ ജീവിതം തുടങ്ങുന്നത്. പിന്നീട് കൊലപാതകത്തിലേക്കും കള്ളക്കടത്തിലേക്കും മയക്കുമരുന്നു വ്യാപാരത്തിലേക്കും കടന്നു. മുംബൈ അധോലോകത്തിന്റെ ഒരുകാലത്തെ രാജാവായിരുന്ന ബഡാ രാജന്റെ അനുയായി ആയാണ് ഛോട്ട അധോലോകത്തെത്തുന്നത്. പിന്നീട് ബഡാ രാജന്റെ മരണത്തോടെ സംഘത്തിന്റെ തലവനായി.

മുംബൈ അധോലോകത്ത് കുപ്രസിദ്ധി നേടി ഇന്ത്യക്ക് ഇപ്പോഴും പിടികൂടാൻ കഴിയാത്ത ദാവൂദ് ഇബ്രാഹിമ്മിന്റെ വലം കൈയായും ഛോട്ടാ രാജൻ പ്രവർത്തിച്ചിട്ടുണ്ട്. ദാവൂദിന്റെ ഡി കമ്പനിയിലെ പ്രമുഖനായിരുന്ന നിക്കൽജി. ദാവൂദിന്റെ സംഘത്തിലെ ഛോട്ടാ ഷക്കിൽ, ശരദ് ഷെട്ടി, സുനിൽ സാവന്ത് എന്നിവരുടെയെല്ലാം കൊലക്ക് പിന്നിൽ ഛോട്ടാ രാജൻ ആയിരുന്നു. ദാവൂദിന് വേണ്ടി ബോളീവുഡിൽ കള്ളപണം എത്തിക്കുന്നതടക്കം മയക്കുമരുന്ന് കടത്തിലും ഛോട്ടയുടെ കൈകളുണ്ടായിരുന്നു.

മുംബൈ സ്ഫോടനത്തിന് ശേഷമാണ് ദാവൂദുമായി തെറ്റിപ്പിരിയുന്നത്. പിന്നീട് ഛോട്ടാ രാജനെ ദാവൂദ് പലതവണ വധിക്കാൻ ശ്രമിച്ചെങ്കിലും കഴിഞ്ഞില്ല. ഇന്ത്യൻ ഇന്റലിജൻസാണ് ഛോട്ടാ രാജനെ സംരക്ഷിക്കുന്നതെന്ന് ഡി കമ്പനി പലതവണ ആരോപിക്കുകയും ചെയ്തിരുന്നു. മുംബൈ സ്ഫോടനത്തിന് ശേഷം ദാവുദൂമായി പിണങ്ങിയ രാജൻ പിന്നീട് റോയ്ക്കു വേണ്ടി ദാവൂദിന്റെ പല രഹസ്യ വിവരങ്ങളും ചോർത്തി കൊടുത്തിരുന്നതായും മാധ്യമ റിപ്പോർട്ടുകൾ ഉണ്ടായിരുന്നു.

1995ൽ ഇന്ത്യയുടെ ആവശ്യപ്രകാരമാണ് ഛോട്ടാരാജനെ ഇന്റർപോൾ പിടികിട്ടാപുള്ളികളുടെ പട്ടികയിൽ പെടുത്തിയത്. ദാവൂദുമായി പിണങ്ങിയതിന് ശേഷം ദാവൂദിനെ കൊല്ലാതെ ഒരുക്കിലും മരണത്തിന് കീഴടങ്ങില്ലെന്ന പ്രതിജ്ഞയും നിഖൽജി എടുത്തിരുന്നു. ദാവൂദാകട്ടെ രാജനെ വധിക്കാൻ നിരവധി ശ്രമങ്ങൾ നടത്തുകയും ഒരു തവണ അതിന്റെ അടുത്തുവരെ എത്തുകയും ചെയ്തു. അന്ന് തലനാരിഴക്കാണ് ഛോട്ടാ രാജൻ രക്ഷപ്പെട്ടത്.

കോവിഡ്ഛോട്ടാ രാജൻ

മറുനാടന്‍ മലയാളി

    മറുനാടന്‍ മലയാളി ബ്യൂറോ