കോർക്ക്: കോർക്ക് സീറോ മലബാർ സഭ  വ്യാഴാഴ്ച വൈകുന്നേരം 5 മണിക്ക് വിൽട്ടൺ സെന്റ് ജോസഫ് പള്ളിയിൽ വച്ച് പിറവിത്തിരുന്നാൾ, സീറോ മലബാർ സഭയുടെ രണ്ടാമത്തെ കൂദാശാക്രമമായ 'മാർ തൈയ്യഡോറിന്റെ' ക്രമമനുസരിച്ചുള്ള വിശുദ്ധകുർബ്ബാനയോടുകൂടി ആഘോഷിക്കുന്നു.

കുർബ്ബാനയ്ക്കുശേഷം കോർക്കിലെ ജീസസ്സ് യൂത്ത് അംഗങ്ങൾ പള്ളിയുടെ മദുബഹയിൽ വച്ച് കരോൾ ഗാനം ആലപിക്കുന്നതായിരിക്കും. തുടർന്ന് കേക്ക് വിതരണവും ഉണ്ടായിരിക്കുന്നതാണ്.

24ന് വൈകുന്നേരം നാലു മുതൽ വിൽട്ടൺ പള്ളിയിൽ കുമ്പസാരത്തിനുള്ള സൗകര്യം ഉണ്ടായിരിക്കുന്നതാണ്. തിരുക്കർമ്മങ്ങളിൽ പങ്കെടുത്ത് അനുഗ്രഹം പ്രാപിക്കുവാൻ ചാപ്ലിയൻ ഫാ. ഫ്രാൻസിസ് നീലങ്കാവിൽ എല്ലാവരേയും സ്വാഗതം ചെയ്യുന്നു.