ന്യൂയോർക്ക്: സ്റ്റാറ്റൻഐലന്റിലെ വിവിധ ക്രൈസ്തവ ദേവാലയങ്ങളുടെ സംയുക്ത സംഘടനയായ എക്യൂമെനിക്കൽ കൗൺസിൽ ഓഫ് കേരളാ ചർച്ചസ് ഇൻ സ്റ്റാറ്റൻഐലന്റിന്റെ ആഭിമുഖ്യത്തിലുള്ള സംയുക്ത ക്രിസ്മസ്- പുതുവത്സരാഘോഷങ്ങൾ ഡിസംബർ 27-ന് ശനിയാഴ്ച നടത്തപ്പെടുന്നു. മലങ്കര ഓർത്തഡോക്‌സ് സഭയുടെ തൃശൂർ ഭദ്രാസനാധിപനും, അറിയപ്പെടുന്ന വേദപണ്ഡിതനും, സെമിനാരി അദ്ധ്യാപകനുമായ അഭിവന്ദ്യ ഡോ. യൂഹാനോൻ മോർ മിലിത്തിയോസ് മെത്രാപ്പൊലീത്ത തിരുമനസുകൊണ്ട് മുഖ്യാതിഥിയായി പങ്കെടുത്തുകൊണ്ട് ക്രിസ്മസ്- പുതുവത്സര സന്ദേശം നൽകും.

27-ന് ശനിയാഴ്ച വൈകുന്നേരം 5 മണിക്ക് ക്രിസ്ത്യൻ പെന്തക്കോസ്തൽ ചർച്ച് ഓഡിറ്റോറിയത്തിൽ (1020 Targee Street) ആരംഭിക്കുന്ന വർണ്ണപ്പകിട്ടാർന്ന പരിപാടികളിലേക്ക് ഏവരേയും കർതൃനാമത്തിൽ സ്വാഗതം ചെയ്യുന്നതായി റവ.ഫാ. ചെറിയാൻ മുണ്ടയ്ക്കൽ (പ്രസിഡന്റ്), സഖറിയാ തോമസ് (വൈസ് പ്രസിഡന്റ്), ഡോ. ജോൺ കെ. തോമസ് (സെക്രട്ടറി), ക്യാപ്റ്റൻ രാജു ഫിലിപ്പ് (ട്രഷറർ), ടോം തോമസ് (ജോയിന്റ് സെക്രട്ടറി) എന്നിവർ സംയുക്ത പ്രസ്താവനയിലൂടെ അറിയിച്ചു.

സംയുക്ത ആരാധന, എക്യൂമെനിക്കൽ ക്വയറിന്റെ ഗാനശുശ്രൂഷ, വിവിധ ഇടവകകളുടെ കരോൾ, വൈവിധ്യമാർന്ന കലാവിരുന്നുകൾ എന്നിവയാണ് മുഖ്യ പരിപാടികൾ. മുഖ്യാതിഥിയായി എത്തുന്ന അഭിവന്ദ്യ തിരുമേനിയേയും, വൈദീക ശ്രേഷ്ഠരേയും വേദിയിലേക്ക് സ്വീകരിച്ച് ആനയിക്കുന്നതോടെ പരിപാടികൾക്ക് ആരംഭം കുറിക്കും.

സെന്റ് ജോർജ് ഓർത്തഡോക്‌സ് പള്ളി വികാരി റവ.ഫാ. അലക്‌സ് കെ. ജോയിയുടെ നേതൃത്വത്തിൽ ലീനസ് വർഗീസ്, ശ്രേയ സന്തോഷ്, കെസിയ ജോസഫ് എന്നിവർ എക്യൂമെനിക്കൽ ഗായക സംഘത്തിന് നേതൃത്വം നൽകുന്നു. ബ്ലസ്സഡ് കുഞ്ഞച്ചൻ സീറോ മലബാർ കാത്തലിക് ചർച്ച് (വികാരി റവ.ഫാ. സിബി വെട്ടിയോലിൽ), സി.എസ്.ഐ ചർച്ച് സ്റ്റാറ്റൻഐലന്റ് (വികാരി റവ.ഡോ. ജേക്കബ് ഡേവിഡ്), മോർ ഗ്രിഗോറിയോസ് ഓർത്തഡോക്‌സ് ചർച്ച് സ്റ്റാറ്റൻഐലന്റ് (വികാരി റവ ഫാ. ചെറിയാൻ മുണ്ടയ്ക്കൽ), മാർത്തോമാ ചർച്ച് സ്റ്റാറ്റൻഐലന്റ് (വികാരി റവ മാത്യൂസ് ഏബ്രഹാം), സെന്റ് ജോർജ് മലങ്കര ഓർത്തഡോക്‌സ് ചർച്ച് (വികാരി റവ.ഫാ. അലക്‌സ് കെ. ജോയി), സെന്റ് ജോൺസ് സിറിയൻ ഓർത്തഡോക്‌സ് ചർച്ച് (വികാരി റവ. ഫാ. രാജൻ പീറ്റർ, സഹ വികാരി റവ.ഫാ. ഫൗസ്റ്റീനോ ക്വിന്റാനില), സെന്റ് മേരീസ് മലങ്കര ഓർത്തഡോക്‌സ് ചർച്ച് (വികാരി റവ.ഫാ. ടി.എ. തോമസ്), താബോർ മാർത്തോമാ ചർച്ച് (റവ. വൈ. ജോർജ്) എന്നീ ഇടവകകളാണ് എക്യൂമെനിക്കൽ കൗൺസിലിലെ അംഗദേവാലയങ്ങൾ.

ഇതര എക്‌സിക്യൂട്ടീവ് കമ്മിറ്റി അംഗങ്ങളായ പൊന്നച്ചൻ ചാക്കോ, കോര കെ. കോര, മാണി വർഗീസ്, വർഗീസ് എം. വർഗീസ്, ദേവസ്യാച്ചൻ മാത്യു, ബിജു ചെറിയാൻ എന്നിവരുടെ നേതൃത്വത്തിൽ വിവിധ കമ്മിറ്റികൾ പരിപാടികളുടെ ഉജ്വല വിജയത്തിനായി പ്രവർത്തിച്ചുവരുന്നു.

ലോക രക്ഷകനായി അവതരിച്ച യേശുക്രിസ്തുവിന്റെ തിരുജനനം ഒത്തൊരുമയോടെ ആഘോഷിക്കുവാനായി ക്രമീകരിച്ചിരിക്കുന്ന ഈ പരിപാടികളിലേക്ക് ഏവരേയും സ്വാഗതം ചെയ്യുന്നതായി പ്രസിഡന്റ് റവ.ഫാ. ചെറിയാൻ മുണ്ടയ്ക്കൽ അറിയിച്ചു. കൂടുതൽ വിവരങ്ങൾക്ക്: റവ.ഫാ. ചെറിയാൻ മുണ്ടയ്ക്കൽ (പ്രസിഡന്റ്) 718 524 7407, സഖറിയാ തോമസ് (വൈസ് പ്രസിഡന്റ്) 718 698 1775, ഡോ. ജോൺ കെ. തോമസ് (സെക്രട്ടറി) 917 923 7149, ക്യാപ്റ്റൻ രാജു ഫിലിപ്പ് (ട്രഷറർ) 917 854 3818, ടോം തോമസ് (ജോയിന്റ് സെക്രട്ടറി) 718 983 8131.  ബിജു ചെറിയാൻ (പബ്ലിസിറ്റി കോർഡിനേറ്റർ) അറിയിച്ചതാണിത്.