സിംപിള്‍ ആന്‍ഡ് ക്ലാസി ലുക്കില്‍ അജിത്; വിടാമുയര്‍ച്ചി ഫസ്റ്റ് ലുക്ക് പുറത്ത്; ചിത്രം ആക്ഷന്‍ ത്രില്ലര്‍
ചെന്നൈ: 'തല' ആരാധകര്‍ ആവേശത്തോടെ ഒന്നടങ്കം കാത്തിരിക്കുന്ന ചിത്രമാണ് വിടാമുയര്‍ച്ചി. ഇപ്പോഴിതാ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. സ്‌റ്റൈലിഷ് ലുക്കിലാണ് അജിത്തിനെ പോസ്റ്ററില്‍ കാണാനാവുക. പതിവുപോലെ ആക്ഷന്‍ചിത്രമാണ് അണിയറയില്‍ ഒരുങ്ങുന്നത്.
കൈയ്യില്‍ ഒരു ബാഗുമായി റോഡിലൂടെ നടക്കുന്ന താരത്തിന്റെ ലുക്കാണ് പുറത്തുവന്നിരിക്കുന്നത്. അജിത്തിന്റെ പവര്‍ഫുള്‍ പെര്‍ഫോമന്‍സും അതോടൊപ്പം ഉഗ്രന്‍ ആക്ഷന്‍ ത്രില്ലറായിരിക്കും ചിത്രമെന്ന സൂചനയാണ് ഫസ്റ്റ് ലുക്ക് നല്‍കുന്നത്.
എന്നാല്‍ വ്യത്യസ്ത അഭിപ്രായങ്ങളാണ് ഫസ്റ്റ് ലുക്ക് പോസ്റ്ററിന് ലഭിച്ചു കൊണ്ടിരിക്കുന്നത്. മഗിഴ് തിരുമേനിയാണ് ചിത്രം സംവിധാനം ചെയ്യുന്നത്. ലൈക്ക പ്രൊഡക്ഷന്‍സാണ് ചിത്രം നിര്‍മ്മിക്കുന്നത്. മഗിഴ് തിരുമേനിയും അജിത്തും ആദ്യമായി ഒന്നിക്കുന്ന ചിത്രമാണ് വിടാമുയര്‍ച്ചി. തൃഷയാണ് അജിത്തിന്റെ നായികയായെത്തുന്നത്.
അര്‍ജുന്‍ സര്‍ജ, റെജീന കസാന്ദ്ര, ആരവ് തുടങ്ങി നിരവധി താരങ്ങളും ചിത്രത്തില്‍ പ്രധാന വേഷത്തിലെത്തുന്നുണ്ട്. അസര്‍ബൈജാനിലാണ് സിനിമയുടെ ചിത്രീകരണം നടന്നത്. അനിരുദ്ധ് രവിചന്ദറാണ് ചിത്രത്തിന് സംഗീതം ഒരുക്കുന്നത്. ഓം പ്രകാശാണ് ഛായാഗ്രഹണം. നെറ്റ്ഫ്‌ലിക്‌സാണ് ചിത്രത്തിന്റെ ഒടിടി അവകാശം സ്വന്തമാക്കിയിരിക്കുന്നത്.
