സംഗീത പ്രേമികൾക്ക് ഹൃദയഹാരിയായ ഒരു ഗാനം; 'ഞാൻ കർണ്ണനിലെ' പ്രമോ സോങ് പുറത്തുവിട്ടു

കൊച്ചി: സംഗീത പ്രേമികൾക്ക് ഹൃദയഹാരിയായൊരു ഗാനം സമ്മാനിച്ച് 'ഞാൻ കർണ്ണനി'ലെ പ്രമോ സോങ്ങ് അണിയറ പ്രവർത്തകർ പുറത്തു വിട്ടു. ചിത്രത്തിന്റെ ആത്മാവ് ഒപ്പിയെടുക്കുന്നതാണ് മനോഹരമായ ഈ ഗാനം. മണിക്കൂറുകൾക്കകം സോഷ്യൽ മീഡിയായിൽ ഗാനം തരംഗമായിട്ടുണ്ട്. ഏറെ ഹൃദ്യമായ ഈ ഗാനം രചിച്ചിരിക്കുന്നത് ഡെന്നി ആന്റണിയാണ്. സംഗീതം നൽകിയിരിക്കുന്നത് വി. ജി. റുഡോൾഫ് പാടിയിരിക്കുന്നത് ഷാജി സുകുമാരൻ, റീത്ത ബീനീഷുമാണ്.

ദാമ്പത്യജീവിതത്തിലെ സ്വരച്ചേർച്ചകളുടെ വേറിട്ട കഥ പറയുന്ന ചിത്രമാണ് 'ഞാൻ കർണ്ണൻ' ചലച്ചിത്ര-സീരിയൽ താരവും അദ്ധ്യാപികയുമായ പ്രൊഫ: ശ്രീചിത്ര പ്രദീപാണ് സംവിധാനം ചെയ്തിരിക്കുന്നത്. ശ്രിയ ക്രിയേഷൻസിന്റെ ബാനറിൽ പ്രദീപ് രാജാണ് നിർമ്മാണം. മുതിർന്ന എഴുത്തുകാരൻ എം ടി അപ്പനാണ് ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിട്ടുള്ളത്. വർത്തമാനകാല കുടുംബജീവിതത്തിലെ പ്രതിസന്ധികളും വ്യാകുലതകളുമാണ് ചിത്രത്തിന്റെ ഇതിവൃത്തം.

അഭിനേതാക്കൾ ടി.എസ്.രാജു, ടോണി,പ്രദീപ് രാജ്, ശ്രീചിത്ര പ്രദീപ്, മുരളി കാക്കനാട്, ശിവദാസ് വൈക്കം, ജിൻസി, രമ്യ രാജേഷ്, ബെന്ന, ശോഭന ശശി മേനോൻ,സാവിത്രി പിള്ള, എം ടി.അപ്പൻ, ബി. അനിൽകുമാർ, ആകാശ്.

ഡി.ഒ.പി -പ്രസാദ് അറുമുഖൻ, അസോസിയേറ്റ് ഡയറക്ടർ- ദേവരാജൻ, കലാസംവിധാനം- ജോജോ ആന്റണി എഡിറ്റർ - രഞ്ജിത്ത്. ആർ. പ്രൊഡക്ഷൻ കൺട്രോളർ- രാജേഷ് കളമശ്ശേരി.