സൂപ്പർഹിറ്റ് കവർ സോങ്ങുകൾ സൃഷ്ടിച്ച യുവസംവിധായകൻ സംഗീതപ്രേമികൾക്കായി വീണ്ടും; അക്ഷയ് അജിത്തിന്റെ പുതിയ ഗാനം റിലീസായി

കൊച്ചി: ഹൃദയഹാരിയായ ഒട്ടേറെ കവർ സോങ്ങുകൾ സംഗീതപ്രേമികൾക്ക് സമ്മാനിച്ച യുവസംവിധായകൻ അക്ഷയ് അജിത്ത് പാടി അഭിനയിച്ച പുതിയ ഗാനം ശ്രദ്ധേയമാകുന്നു. 'ഒരു പൂവിനെ നിശാ ശലഭം' എന്ന് തുടങ്ങുന്ന ഗാനമാണ് അക്ഷയ് പാടിയിരിക്കുന്നത്.ഈ ഗാനം 'മീനത്തിൽ താലികെട്ട്' എന്ന ചിത്രത്തിൽ ഗാന ഗന്ധർവ്വൻ കെ.ജെ.യേശുദാസ് ആലപിച്ചതാണ്.

റിലീസിനൊരുങ്ങുന്ന 'കേരളാ എക്സ്‌പ്രസ്സ്' എന്ന ചിത്രത്തിന്റെ സംവിധായകനാണ് അക്ഷയ് അജിത്ത്. മലയാളികൾ നെഞ്ചിലേറ്റിയ ഒട്ടേറെ ഗാനങ്ങൾ അക്ഷയ് അജിത്ത് കവർ സോങ്ങുകൾ ഒരുക്കിയിട്ടുണ്ട്. പുതിയ ഗാനത്തിൽ അക്ഷയ് അജിത്തും അക്ഷര നായരുമാണ് അഭിനയിക്കുന്നത്. സന്ദീപാണ് ഗിറ്റാർ ഒരുക്കിയിട്ടുള്ളത്. നിധിൻ കൂട്ടുങ്കൽ, വിനീഷ് മണി, രഞ്ജിത്ത് ദാമോദർ, സതീഷ് മേക്കോവർ,മാളു കെ പി എന്നിവരാണ് ഈ ഗാനത്തിന്റെ പിന്നണിയിൽ പ്രവർത്തിച്ചിട്ടുള്ളത്.