ഭർത്താവിനൊപ്പം അഭിനയിക്കണമെങ്കിൽ ചാർജ് കൂടും; 'ജവാൻ'ഫ്രീ ആയി ചെയ്തത് ഷാറൂഖിന് വേണ്ടിയെന്ന് ദീപിക പദുകോൺ

മുംബൈ: ബോളിവുഡ് നായികമാരിൽ മുൻ നിരയിലുള്ള താരമാണ് ദീപിക പദുക്കോൺ എന്നതിൽ തർക്കമുണ്ടാകില്ല. വൻ ഹിറ്റുകൾ ദീപിക പദുക്കോണിന്റേതായിട്ടുണ്ട്. ദീപികയെ നായികയായി ലഭിക്കാൻ ആഗ്രഹിക്കുന്നവരാണ് ബോളിവുഡിലെ മിക്ക നായകന്മാരും. നടി ദീപിക പദുക്കോണിന്റെ പ്രതിഫലത്തെ കുറിച്ചുള്ള റിപ്പോർട്ടാണ് ഇപ്പോൾ ചർച്ചയാകുന്നത്.

ഷാരൂഖിന്റെ ജവാനിൽ ദീപിക അതിഥി താരമായി എത്തിയിരുന്നു. നായികയായ നയൻതാരയ്ക്ക് ജവാന് 10 കോടിയാണ് പ്രതിഫലം ലഭിച്ചത് എന്നും അതിഥിയായ ദീപിക പദുക്കോണിന് ഇരട്ടിയിലേറെ തുക ലഭിച്ചുവെന്നും റിപ്പോർട്ടുകളുണ്ടായി. അതേസമയം ജവാനിൽ ഒരു പ്രതിഫലവുമില്ലാതെയാണ് താൻ അഭിനയിച്ചതെന്നാണ് ദീപിക പറയുന്നത്.

ഭർത്താവുമായ രൺവീർ സിംഗിനൊത്ത് അഭിനയിക്കുന്ന ചിത്രത്തിൽ പ്രതിഫലം കൂടുതലാണെന്ന് ദീപിക പദുക്കോൺ ഒരു അഭിമുഖത്തിൽ വെളിപ്പെടുത്തിയിരിക്കുകയാണ്. രൺവീർ സിംഗും ഞാനും ഒന്നിച്ചുള്ള സിനിമകൾക്ക് പ്രീമിയം ചാർജ് ഈടാക്കാറുണ്ട്. ഞങ്ങൾ നല്ല തലത്തിലാണെന്ന് കരുതുന്നതായും താരം വ്യക്തമാക്കുന്നു.

ഞങ്ങൾ രണ്ടുപേരും ഒന്നുമില്ലായ്മയിൽ നിന്ന് തുടങ്ങി ഇവിടെ എത്തിയതിൽ അഭിമാനമുണ്ട്. കഴിവ് തെളിയിച്ചാണ് വിജയമെന്നതിലും അഭിമാനമുണ്ടെന്ന് താരം ചൂണ്ടിക്കാട്ടുന്നു. ഐശ്വര്യ റാത്തോർ എന്ന ഒരു കഥാപാത്രമായിട്ടായിരുന്നു ദീപിക പദുക്കോൺ ജവാനിൽ എത്തിയത്. ഷാരൂഖ് ഖാന്റെ വിക്രമിന്റെ ഭാര്യ കഥാപാത്രമായിരുന്നു ജവാനിലെ ഐശ്വര്യ.

ഇരട്ട വേഷത്തിലായിരുന്നു ജവാനിൽ ഷാരൂഖ്. തമിഴകത്തിന്റെ ഹിറ്റ്‌മേക്കർ അറ്റ്‌ലിയുടെ സംവിധാനത്തിലുള്ള ചിത്രത്തിൽ ആസാദായും ഷാരൂഖ് എത്തി. വിജയ് സേതുപതി ജവാനിൽ വില്ലൻ കഥാപാത്രമായി എത്തി. ജി കെ വിഷ്ണുവായിരുന്നു ഛായാഗ്രാഹണം. പ്രിയാ മണി, സാന്യ മൽഹോത്ര, സുനിൽ ഗ്രോവർ, റിദ്ധി ദോഗ്ര, സഞ്ജീത ഭട്ടാചാര്യ, ലെഹർ ഖാൻ, മുകേഷ് ഛബ്ര, രവിന്ദ്ര വിജയ്, സഞ്ജയ് ദത്ത് എന്നിവരും വിവിധ വേഷങ്ങളിൽ എത്തി.