കൊച്ചി: പ്രേമലുവിന്റെ വിജയത്തിന് ശേഷം നസ്ലനെ തേടി കുടുതൽ അവസരങ്ങൾ എത്തുകയാണ്. മുകുന്ദൻ ഉണ്ണി അസ്സോസിയേറ്റ്‌സ്' എന്ന ഹിറ്റ് ചിത്രത്തിന് ശേഷം അഭിനവ് സുന്ദർ നായക് വീണ്ടുമൊരു ചിത്രവുമായി എത്തുന്നു. സമ്മാനിക്കുന്ന ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാനുമായി കൈകോർത്താണ് അഭിനവ് സുന്ദർ നായക് തന്റെ രണ്ടാം സിനിമക്ക് വേണ്ടി തയ്യാറെടുക്കുന്നത്.

'മോളിവുഡ് ടൈംസ്' എന്ന പേരിലെത്തുന്ന സിനിമയിൽ നസ്ലൻ ആണ് നായകൻ. 'എ ഹേറ്റ് ലെറ്റർ ടു സിനിമ' എന്ന ടാഗ് ലൈനോട് കൂടിയാണ് ചിത്രം എത്തുന്നത്. 'പ്രേമലു' എന്ന വമ്പൻ വിജയചിത്രത്തിന് ശേഷം നസ്ലൻ അഭിനയിക്കുന്ന സിനിമയാണ് 'മോളിവുഡ് ടൈംസ്'.

തമിഴിലും മലയാളത്തിലും ശ്രദ്ധാകേന്ദ്രമായി മാറിയ എഡിറ്ററും റൈറ്ററും കൂടിയാണ് അഭിനവ് സുന്ദർ നായക്. മലയാളത്തിലെ മികച്ച സംവിധായകൻ, നായകൻ, നിർമ്മാതാവ്, ബാനർ എന്നീ നിലകളിൽ എല്ലാം വമ്പൻ ക്രൂ അണിനിരക്കുന്ന സിനിമയുടെ മറ്റ് വിവരങ്ങൾ ഒന്നും പുറത്ത് വിട്ടിട്ടില്ല.