വാഷിങ്ടൺ ഡിസി: ഓസ്‌കർ പുരസ്‌കാരത്തിനുള്ള ഇന്ത്യയുടെ ഔദ്യോഗിക എൻട്രിയായ മലയാള ചിത്രം '2018'ന് പുറത്ത്. പ്രളയകാലത്തിന്റെ കഥ പറഞ്ഞ ചിത്രത്തിന് പുരസ്‌കാരത്തിന്റെ അന്തിമ ചുരുക്കപ്പട്ടികയിൽ ഇടം നേടാനായില്ല. മലയാളത്തിൽ നിന്നും ആദ്യമായി 200 കോടി ക്ലബിൽ എത്തിയ ചിത്രമായിരുന്നു 2018.

ജൂഡ് ആന്റണി ജോസഫിന്റെ സംവിധാനത്തിലൊരുങ്ങിയ 2018 വിദേശ ഭാഷ വിഭാഗത്തിലായിരുന്നു പരിഗണിക്കപ്പെട്ടിരുന്നത്. എന്നാൽ അക്കാദമി പ്രഖ്യാപിച്ച 15 സിനിമളുടെ പട്ടികയിൽ ചിത്രത്തിന് ഇടം നേടാനായില്ല. ഇതോടെ ഓസ്‌കാർ പ്രതീക്ഷ 2018ന് തീർന്നു.

ഗുരു, ആദാമിന്റെ മകൻ അബു, ജെല്ലിക്കെട്ട് എന്നീ ചിത്രങ്ങൾക്ക്ശേഷം ഓസ്‌കാർ എൻട്രി നേടിയ മലയാള ചിത്രമായിരുന്നു 2018. കേരളം നേരിട്ട പ്രളയം പശ്ചാത്തലമായ ചിത്രത്തിൽ ടൊവിനൊ തോമസ്, ആസിഫ് അലി, കുഞ്ചാക്കോ ബോബൻ എന്നിവരായിരുന്നു പ്രധാന വേഷത്തിലെത്തിയത്.