തീയേറ്റർ ഓഫ് ഡ്രീംസിന്റെ ബാനറിൽ ജിനു .വി .ഏബ്രഹാം, ഡോൾവിൻ കുര്യാക്കോസ് എന്നിവർ നിർമ്മിച്ച് ഡാർവിൻ കുര്യാക്കോസ് സംവിധാനം ചെയ്യുന്ന അന്വേഷിപ്പിൻ കണ്ടെത്തും എന്ന ചിത്രത്തിന്റെ മേക്കിങ് വീഡിയോ പുറത്തുവിട്ടിരിക്കുന്നു. ടൊവിനോ തോമസ് നായകനായി എത്തുന്ന തികഞ്ഞ ഇവസ്റ്റിഗേറ്റീവ് ത്രില്ലർ സിനിമയാണിത്. എഴുപതോളം വരുന്ന വലിയ താര നിര തന്നെ ഈ ചിത്രത്തിലുണ്ട്.

സിദ്ദിഖ്, ബാബുരാജ്, ഷമ്മി തിലകൻ, ഇന്ദ്രൻസ്, കോട്ടയം നസീർ, അസീസ് നെടുമങ്ങാട്, ഹരിശ്രീ അശോകൻ, , പ്രമോദ് വെളിയനാട്, ജയ്‌സ് ജോർജ്, വിനീത് തട്ടിൽ, എസ് ത്തറ്റിക് കുഞ്ഞമ്മ , ആർത്ഥനാ ബിനു, അശ്വതി മനോഹർ, അനഘ സുരേന്ദ്രൻ, മനുഷികെർ, റിനി ശരണ്യാ രമ്യാസുവി തുടങ്ങിയവർ താര നിരയിലെ പ്രധാനികളാണ്. ഈ ചിത്രത്തിന്റെ വിവിധ ലൊക്കേഷനുകളിൽ നിരവധി ചലച്ചിത്ര പ്രവർത്തകരാണ് എത്തിയത്.അഭിനേതാക്കൾ സംവിധായകർ, നിർമ്മാതാക്കൾ, തിരക്കഥാകൃത്തുക്കൾ അങ്ങനെ ചലച്ചിത രംഗത്തെ നിരവധി രംഗങ്ങളിലെ പ്രധാനികൾ എത്തിക്കൊണ്ടിരുന്നു.

അവരെയെല്ലാം ഉൾപ്പെടുത്തി ഒരുക്കിയിരിക്കുന്ന ഈ വീഡിയോ ഏറെ കൗതുകം ജനിപ്പിക്കുന്നതാണ്. ഇന്നു പുറത്തുവിട്ടിരിക്കുന്ന ഈ വീഡിയോ ഏറെ വൈറലായിരിക്കുകയാണ്. ഷാജി കൈലാസ്, വൈശാഖ്, എസ്.എൻ.സ്വാമി, ഉദയ് കൃഷ്ണ, ബി.ഉണ്ണികൃഷ്ണൻ, ജോജു ജോർജ്, ഹനീഫ് അദേനി, കല്യാണി പ്രിയദർശൻ, ബാദ്ഷാ, എന്നിവരടക്കമുള്ളവരെ ഈ വീഡിയോയിൽ കാണാം.

ജിനു.വി. ഏബ്രഹാമിന്റെ തിരക്കഥയിൽ ഒരുങ്ങുന്ന ഈ ചിത്രം വലിയ മുതൽ മുടക്കിൽ ഒരുങ്ങുന്നതാണ്. ദഷിണേന്ത്യൻ സിനിമയിലെ മികച്ച സംഗീതജ്ഞനായ സന്തോഷ് നാരായണനാണ് ഈ ചിതത്തിന്റെ സംഗീത സംവിധായകൻ. ഗൗതം ശങ്കറാണ് ഛായാഗ്രാഹകൻ. എഡിറ്റിങ് - സൈജു ശ്രീധർ - കലാസംവിധാനം - ദിലീപ് നാഥ്. ഈ ചിത്രം ഫെബ്രുവരി ഒമ്പതിന് പ്രദർശനത്തിനെത്തും.