'പൊറിഞ്ചു മറിയം ജോസ്' ടീം വീണ്ടും ഒന്നിക്കുന്നു; ഒപ്പം കല്യാണി പ്രിയദർശനും; 'ആന്റണി'യുമായി ജോഷി എത്തുന്നു; ഫസ്റ്റ്‌ലുക്ക് പുറത്തുവിട്ട് അണിയറ പ്രവർത്തകർ
തിരുവനന്തപുരം: 'പാപ്പൻ' എന്ന സുരേഷ് ഗോപി ചിത്രത്തിന് ശേഷം ജോഷി സംവിധാനം ചെയ്യുന്ന പുതിയ ചിത്രം പ്രഖ്യാപിച്ചു. 'ആന്റണി' എന്നാണ് ചിത്രത്തിന്റെ പേര്. സിനിമയുടെ പൂജയും ടൈറ്റിൽ പ്രകാശനവും ഇന്ന് നടന്നു. 'പൊറിഞ്ചു മറിയം ജോസി'ലെ പ്രധാന താരങ്ങളായ ജോജു, നൈല ഉഷ, ചെമ്പൻ വിനോദ് എന്നിവർ വീണ്ടും ഒന്നിക്കുന്ന ചിത്രം കൂടിയാണിത്. കല്യാണി പ്രിയദർശനാണ് ടീമിലെ പുതിയ താരം.
ആശാ ശരത്ത്, വിജയ രാഘവൻ എന്നിവരും ആന്റണിയിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ഐൻസ്റ്റിൻ മീഡിയയുടെ ബാനറിൽ ഐൻസ്റ്റിൻ സാക് പോൾ ആണ് ചിത്രത്തിന്റെ നിർമ്മാണം. രചന - രാജേഷ് വർമ്മ, ഛായാഗ്രഹണം - രണദിവെ, എഡിറ്റിങ് - ശ്യാം ശശിധരൻ, സംഗീത സംവിധാനം - ജേക്‌സ് ബിജോയ്, പ്രൊഡക്ഷൻ കൺട്രോളർ - ദീപക് പരമേശ്വരൻ, കലാസംവിധാനം - ദിലീപ് നാഥ്, വസ്ത്രാലങ്കാരം - പ്രവീൺ വർമ്മ, മേക്കപ്പ് - റോണക്‌സ് സേവ്യർ, വിതരണം - അപ്പു പാത്തു പപ്പു പ്രൊഡക്ഷൻ ഹൗസ്, പി ആർ ഒ - ശബരി.മാർക്കറ്റിങ്ങ് പ്ലാനിങ് -ഒബ്‌സ്‌ക്യൂറ എന്റർടൈന്മെന്റ് തുടങ്ങിയവരാണ് ചിത്രത്തിലെ മറ്റു അണിയറ പ്രവർത്തകർ.
