വര്‍ഷങ്ങള്‍ക്ക് ശേഷം കേരള കലാമണ്ഡലത്തില്‍ ഒരു സിനിമയുടെ നൃത്ത ചിത്രീകരണം; 'ചിത്തിനി' യിലെ പുതിയ ഗാനം പുറത്ത്; ചിത്രം ഉടന്‍ തിയേറ്ററുകളിലേക്ക്
തിരുവനന്തപുരം: മലയാള സിനിമയിലെ ശ്രദ്ധേയങ്ങളായ ഗാനങ്ങള്‍ക്ക് വേദിയായ ചരിത്രമുണ്ട് കേരള കലാമണ്ഡലത്തിന്.വര്‍ഷങ്ങളുടെ ഇടവേളയ്ക്ക് ശേഷം ചെറുതുരുത്തിയിലെ കേരള കലാമണ്ഡലം ഒരു സിനിമയുടെ നൃത്ത ചിത്രീകരണത്തിന് വീണ്ടും വേദിയായി. ഈസ്റ്റ് കോസ്റ്റ് വിജയന്‍ നിര്‍മ്മിച്ച് സംവിധാനം നിര്‍വഹിക്കുന്ന 'ചിത്തിനി' എന്ന സിനിമയിലെ 'ശൈല നന്ദിനി' എന്നാരംഭിക്കുന്ന ഗാനത്തിന്റെ ചിത്രീകരണമാണ് കലാമണ്ഡലത്തില്‍ നടന്നത്.
ചിത്രത്തിലെ തന്നെ പ്രധാനമായ രംഗമാണ് ഈ ഗാനം.നൂറ് കണക്കിന് നിലവിളക്കുകളുടെയും മണ്‍ചെരാതുകളുടെയും ദീപപ്രഭയില്‍ അഞ്ഞൂറോളം ജൂനിയര്‍ ആര്‍ട്ടിസ്റ്റുകള്‍ അണിനിരക്കുന്നതാണ് ഗാനരംഗം.ഗാനത്തിന്റെചിത്രീകരണത്തിനായി ചിത്തിനിയിലെ നായിക
മോക്ഷ ആഴ്ചകളോളം മോക്ഷ കളരി അഭ്യസിച്ചിരുന്നു.മോക്ഷയുടെ കളരി ചുവടുകള്‍ ഈ നൃത്തരംഗത്തിന്റെ ഹൈലൈറ്റ് ആണ്.കല മാസ്റ്ററാണ് നൃത്തസംവിധാനം.
സന്തോഷ് വര്‍മ എഴുതിയ 'ശൈല നന്ദിനി, ശ്രീ ദളാംഗീ ശാരദേന്ദു വദനേ…' എന്ന വരികള്‍ക്ക് ഈണം പകര്‍ന്നിരിക്കുന്നത് രഞ്ജിന്‍രാജാണ്.ഛായാഗ്രഹണം- രതീഷ് റാം. അമിത് ചക്കാലയ്ക്കല്‍ നായകനാവുന്ന ചിത്തിനിയില്‍ വിനയ് ഫോര്‍ട്ട് നായകതുല്യ കഥാപാത്രത്തെ അവതരിപ്പിക്കുന്നു.ആരതി നായര്‍, ഏനാക്ഷി എന്നിവരും പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തില്‍ സുധീഷ്, ജോണി ആന്റണി, ജോയ് മാത്യു, പ്രമോദ് വെളിയനാട്, മണികണ്ഠന്‍ ആചാരി, പൗളി വത്സന്‍ തുടങ്ങിയവരും വേഷമിടുന്നു.
കെ.വി. അനിലിന്റെ കഥയ്ക്ക് ഈസ്റ്റ് കോസ്റ്റ് വിജയന്‍ ,കെ.വി. അനില്‍ എന്നിവര്‍ ചേര്‍ന്ന് തിരക്കഥയും സംഭാഷണവുമെഴുതുന്നു. എഡിറ്റിംഗ് -ജോണ്‍കുട്ടി,മേക്കപ്പ്- രഞ്ജിത്ത് അമ്പാടി, വസ്ത്രാലങ്കാരം- ധന്യ ബാലകൃഷ്ണന്‍, കലാസംവിധാനം- സുജിത്ത് രാഘവ്, എക്സിക്യുട്ടീവ് പ്രൊഡ്യൂസര്‍- രാജശേഖരന്‍, കോറിയോഗ്രാഫി- കല മാസ്റ്റര്‍, സംഘട്ടനം- രാജശേഖരന്‍, ജി. മാസ്റ്റര്‍, വി.എഫ്.എക്സ്.- നിധിന്‍ റാം സുധാകര്‍, സൗണ്ട് ഡിസൈന്‍- സച്ചിന്‍ സുധാകരന്‍, സൗണ്ട് മിക്സിംഗ്- വിപിന്‍ നായര്‍, പ്രൊഡക്ഷന്‍ കണ്‍ട്രോളര്‍-രാജേഷ് തിലകം, പ്രൊഡക്ഷന്‍ എക്സിക്യുട്ടീവ്- ഷിബു പന്തലക്കോട്, ചീഫ് അസ്സോസിയേറ്റ് ഡയറക്ടര്‍- സുഭാഷ് ഇളമ്പല്‍, അസ്സോസിയേറ്റ് ഡയറക്ടേഴ്സ്- അനൂപ് ശിവസേവന്‍, അസിം കോട്ടൂര്‍, സജു പൊറ്റയില്‍ കട, അനൂപ്, പോസ്റ്റര്‍ ഡിസൈനര്‍- കോളിന്‍സ് ലിയോഫില്‍, കാലിഗ്രാഫി-കെ.പി. മുരളീധരന്‍, സ്റ്റില്‍സ്- അജി മസ്‌കറ്റ്, പി.ആര്‍.ഒ.-എ.എസ്. ദിനേശ്.ആഗസ്റ്റ് രണ്ടിന് ചിത്രം പ്രദര്‍ശനത്തിനെത്തും.
