കൊച്ചി: പ്രശസ്ത കോസ്റ്റ്യും ഡിസൈനറായ സ്റ്റെഫി സേവ്യർ സംവിധാനം ചെയ്യുന്ന 'മധുരം മനോഹര മോഹം' എന്ന ചിത്രം ഉടൻ പ്രേക്ഷകരിലേക്ക്. മധ്യതിരുവിതാംകൂറിലെ യാഥാസ്ഥിതിക നായർ കുടുംബത്തിന്റെ പശ്ചാത്തലത്തിലൂടെ ഒരു കുടുംബ കഥ തികച്ചും രസകരമായ മുഹൂർത്തങ്ങളിലൂടെ അതരിപ്പിക്കുകയാണ് ഈ ചിത്രത്തിലൂടെ.

ഒരു സമൂഹത്തിന്റെ ആചാരനുഷ്ടാങ്ങൾക്ക് ഏറെ പ്രാധാന്യം നൽകിയാണ് ചിത്രം ഒരുക്കിയിരിക്കുന്നത്. പ്രധാനമായും ഒരു വിവാഹത്തിന്റെ പശ്ചാത്തലത്തിലൂടെയാണ് കഥാപുരോഗതി. ചിത്രത്തിന്റെ ട്രെയിലർ ശ്രദ്ധയാകർഷിച്ചിരുന്നു. ഷറഫുദ്ധീൻ, രജിഷാ വിജയൻ, സൈജു കുറുപ്പ് എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. ചന്ദ്രു സെൽവ രാജയാണ് ചിത്രത്തിന്റെ ഛായാഗ്രാഹണം നിർവഹിക്കുന്നത്. മഹേഷ് ഗോപാൽ, ജയ് വിഷ്ണു എന്നിവരാണ് ചിത്രത്തിന്റെ തിരക്കഥ എഴുതുന്നത്.

ഒരു കുടുംബത്തിൽ അരങ്ങേറുന്ന കൊച്ചു കൊച്ചു കാര്യങ്ങൾ തികഞ്ഞ നർമത്തിന്റെ മേമ്പൊടിയോടെ അവതരിപ്പിക്കുകയും ഒപ്പം ചില സന്ദേശങ്ങളും ചിത്രം നൽകുന്നു എന്നാണ് റിപ്പോർട്ട്.

ഷറഫുദ്ദീൻ, രജീഷാ വിജയൻ, സൈജു കുറുപ്പ്, അർഷാ ബൈജു വിജയരാഘവൻ, ബിന്ദു പണിക്കർ, അൽത്താഫ് സലിം, ബിജു സോപാനം, സുനിൽ സുഗത ജയ് വിഷ്ണു, പ്രശസ്ത യൂട്യൂബ റായ സഞ്ജു.എന്നിവരാണ് ഈ ചിത്രത്തിലെ പ്രധാന അഭിനേതാക്കൾ.

'ഹൃദയം' എന്ന സൂപ്പർഹിറ്റ് ചിത്രത്തിലെ ഗാനങ്ങളിലൂടെ ശ്രദ്ധേയനായ ഹിഷാം അബ്ദുൾ വഹാബ് ആണ് സംഗീത സംവിധായകൻ. അപ്പു ഭട്ടതിരിപ്പാടാണ് ചിത്രത്തിന്റെ എഡിറ്റിങ്. നിർമ്മാണ നിർവ്വഹണം ഷബീർ മലവെട്ടത്ത്.



ഗാനങ്ങൾ - ഹരി നാരായണൻ,സംഗീതം - ഹിഷാം അബ്ദുൾ വഹാബ് , ഛായാഗ്രഹണം- ചന്ദ്രു സെൽവരാജ്, എഡിറ്റിങ് - അപ്പു ഭട്ടതിരി. മാളവിക. വി.എൻ, കലാസംവിധാനം - ജയൻ ക്രയോൺ, മേക്കപ്പ് - റോണക്‌സ് സേവ്യർ ബുള്ളറ്റ് ഡയറീസ് എന്ന ചിത്ര ത്തിനു ശേഷം ബീത്‌റീഎം പ്രൊഡക്ഷൻസ് ഈ ചിത്രം നിർമ്മിക്കുന്നത്. പിആർഒ വാഴൂർ ജോസ്, ആതിര ദിൽജിത്ത്, ഡിസൈനുകൾ യെല്ലോടൂത്ത്സ്, ഡിജിറ്റൽ മാർക്കറ്റിങ് ഒബ്‌സ്‌ക്യൂറ എന്നിവരുമാണ് സ്റ്റെഫി സേവ്യർ ചിത്രത്തിന്റെ മറ്റ് പ്രവർത്തകർ.

മറുനാടന്‍ മലയാളി

    മറുനാടന്‍ മലയാളി ബ്യൂറോ