കൊച്ചി: ആകെ അമ്പത് കോടി രൂപ ബജറ്റിൽ ഒരുങ്ങിയ ഹനുമാൻ വൻ സ്വീകാര്യത നേടിയതിന് പിന്നാലെ കേരളത്തിൽ നൂറ് തിയേറ്ററുകളിൽ പ്രദർശനത്തിന് ഒരുങ്ങുന്നു. ആഗോളതലത്തിൽ ഹനുമാൻ ആകെ 100 കോടി രൂപ നേടി എന്നാണ് ബോക്‌സ് ഓഫീസ് റിപ്പോർട്ട്. കേരളത്തിൽ വെറും 40 തിയറ്ററുകളിലാണ് ചിത്രം റിലീസായതെങ്കിലും മികച്ച പ്രേക്ഷക പ്രതികരണം ഉണ്ടായ സാഹചര്യത്തിൽ വെള്ളിയാഴ്ച മുതൽ 100 സെന്ററുകളിൽ പ്രദർശിപ്പിക്കും.

മുതിർന്നവർക്കും കുട്ടികൾക്കും ഹനുമാൻ ആസ്വദിക്കാവുന്ന തരത്തിലാണ് ഒരുക്കിയത്. ഹനുമാൻ പ്രശാന്ത് വർമയാണ് തിരക്കഥയെഴുതി സംവിധാനം ചെയ്തത്. തേജ സജ്ജ നായകനുമായെത്തിയ ഹനുമാൻ സിനിമയാണ് ഛായാഗ്രാഹണം ദാശരധി ശിവേന്ദ്രയാണ്. തെലുങ്ക്, ഹിന്ദി, മലയാളം, തമിഴ് തുടങ്ങിയ ഭാഷകൾക്ക് പുറമേ കന്നഡ, മറാത്തി, സ്പാനിഷ്, കൊറിയൻ, ചൈനീസ്, ജാപ്പനീസ്, ഇംഗ്ലീഷ് എന്നിവയിലുമായി ജനുവരി 12നാണ് റിലീസ് ചെയ്തത്.

കെ നിരഞ്ജൻ റെഡ്ഡിയാണ് നിർമ്മിച്ചിരിക്കുന്നത്. ഹനുമാൻ ശ്രീമതി ചൈതന്യയാണ് അവതരിപ്പിച്ചത്. കേരളത്തിൽ ശ്രീ ഗോകുലം മൂവീസിന്റെ ബാനറിൽ ശ്രീ ഗോകുലം ഗോപാലനാണ് പ്രദർശനാവകാശം നേടിയത്. ഡിസ്ട്രിബ്യൂഷൻ പാർട്ണർ ഡ്രീം ബിഗ് ഫിലിംസ് ആണ്. തേജ സജ്ജയുടെ മികച്ച പ്രകടനമാണ് ചിത്രത്തിൽ എന്നാണ് റിപ്പോർട്ട്.

ഇന്ത്യൻ പുരാണങ്ങളിലെ ശക്തമായ വിവിധ കഥാപാത്രങ്ങളിലൂടെ പ്രചോദനം ഉൾക്കൊണ്ട് സൂപ്പർഹീറോകളെക്കുറിച്ച് ഒരു സിനിമാറ്റിക് വേൾഡ് നിർമ്മിക്കാനുള്ള ശ്രമത്തിലാണ് പ്രശാന്ത് വർമ. സൂപ്പർഹീറോയായി ഹനുമാനെ കേന്ദ്രീകരിച്ച് ഒരുക്കിയ ചിത്രം 'അഞ്ജനാദ്രി' എന്ന സാങ്കൽപ്പിക സ്ഥലത്താണ് പ്രധാനമായും സജ്ജീകരിച്ചത്. 'ശ്രീരാമദൂത സ്തോത്രം', 'ആവക്കായ ആഞ്ജനേയ' തുടങ്ങിയവയ്ക്ക് പുറമേ പവർഫുൾ ഹനുമാൻ', 'സൂപ്പർ ഹീറോ ഹനുമാൻ' എന്നീ ഗാനങ്ങൾ ഇതിനോടകം പുറത്തുവിട്ടിട്ടുണ്ട്. പിആർഒ