മോഹൻലാലിനെ നായകനാക്കി 2000ൽ സിബിമലയിൽ സംവിധാനം ചെയ്ത ചിത്രമാണ് ദേവദൂതൻ. തിയറ്ററിൽ വലിയ വിജയമായി ചിത്രം മാറിയില്ലെങ്കിലും പിന്നീട് ചിത്രം ഏറെ ചർച്ചചെയ്യപ്പെട്ടു. ഇപ്പോൾ ചിത്രത്തെ വീണ്ടും തിയറ്ററിൽ എത്തിക്കാനുള്ള ഒരുക്കത്തിലാണ് സിബി മലയിൽ. സംവിധായകൻ സിബി മലയിൽ തന്നെയാണ് ചിത്രത്തെക്കുറിച്ചുള്ള അപ്‌ഡേറ്റ് സോഷ്യൽ മീഡിയയിലൂടെ പങ്കുവെച്ചത്. ദേവദൂതൻ റീമാസ്റ്റേർഡ് 4 ഗ അറ്റ്‌മോസ് പതിപ്പ് തയ്യാറാകുന്നതിന്റെ പണിപ്പുരയിലാണ് താനെന്ന് സംവിധായകൻ അറിയിക്കുകയായിരുന്നു.

ചിത്രത്തിന്റെ റീറിലീസ് എന്നായിരിക്കുമെന്ന് സംവിധായകൻ വെളിപ്പെടുത്തിയിട്ടില്ല. സംവിധായകന്റെ പോസ്റ്റിന് താഴെ നിരവധിയാളുകളാണ് ആഹ്ലാദം പ്രകടിപ്പിച്ച് എത്തുന്നത്. 'സ്ഫടികം റീ റിലീസ് പോലെ ഈ സിനിമയും തിയേറ്ററുകളിൽ കാണാൻ കാത്തിരിക്കുന്നു' എന്ന് ചിലർ കുറിച്ചു. സിബി മലയിലിന് ചില നിർദേശങ്ങളും ചിലർ നൽകുന്നുണ്ട്. കുറച്ച് റീ എഡിറ്റിങ് കൂടി ചെയ്താൽ നന്നായിരിക്കുമെന്നാണ് ചിലർ പറയുന്നത്.

2000-ത്തിൽ പുറത്തിറങ്ങിയ ദേവദൂതന്റെ തിരക്കഥ രഘുനാഥ് പലേരിയുടെതാണ്. ജയപ്രദ, വിനീത് കുമാർ, മുരളി, ജഗതി ശ്രീകുമാർ, ജഗദിഷ് തുടങ്ങിയവർ ചിത്രത്തിൽ പ്രധാനവേഷത്തിൽ എത്തിയിരുന്നു. വിദ്യാസാഗർ ആയിരുന്നു സം?ഗീതം.

മിസ്റ്ററി ഹൊറർ ചിത്രമായാണ് ദേവദൂതൻ എത്തിയത്. ഒരു കോളജിനെ പശ്ചാത്തലമാക്കി ഒരുക്കി ചിത്രത്തിൽ ജയപ്രദ, വിനീത് കുമാർ, മുരളി, ജഗതി ശ്രീകുമാർ, ജഗദിഷ് തുടങ്ങിയവർ അഭിനയിച്ചു. രഘുനാഥ് പലേരിയാണ് തിരക്കഥ. വിദ്യാസാഗറിന്റെ ?ഗാനങ്ങൾ ഏറെ ശ്രദ്ധിക്കപ്പെട്ടിരുന്നു.