ഓപ്പറേഷന്‍ റാഹത്തുമായി മേജര്‍ രവി; ശരത്കുമാറിന് പിറന്നാള്‍ ആശംസകള്‍ നേര്‍ന്ന് ചിത്രത്തിന്റെ ടീസര്‍ പുറത്ത്; ചിത്രമെത്തുക മലയാളമുള്‍പ്പടെ 5 ഭാഷകളില്‍
തിരുവനന്തപുരം: ശരത് കുമാറിനെ നായകനാക്കി മേജര്‍ രവി സംവിധാനം ചെയ്യുന്ന ഓപ്പറേഷന്‍ റാഹത്തിന്റെ ടീസര്‍ പുറത്ത്.ശരത്കുമാറിന്റെ പിറന്നാള്‍ ദിവസം അദ്ദേഹത്തിന് ആശംസകള്‍ നേര്‍ന്നാണ് ടീസര്‍ പുറത്ത് വിട്ടത്. ഉദ്വേഗം നിറക്കുന്ന ആക്ഷന്‍ ത്രില്ലറല്ലറായിരിക്കും ചിത്രമെന്നാണ് ടീസര്‍ നല്‍കുന്ന സൂചന.
മാളവിക മേനോന്‍ ആണ് നായികയായെത്തുന്നത്. വിദേശത്തു കുടുങ്ങിപ്പോകുന്ന യുവതിയെ രക്ഷിക്കാന്‍ ഇന്ത്യന്‍ ഗവണ്‍മെന്റ് നടത്തുന്ന ശ്രമങ്ങളാണ് ചിത്രത്തിലൂടെ പറയുന്നത്. പ്രധാനമന്ത്രി നരേന്ദ്രമോദിയെയും സിനിമയുടെ ടീസറില്‍ റഫറന്‍സ് ആയി കാണിക്കുന്നുണ്ട്.
കൃഷ്ണകുമാര്‍ കെ. തിരക്കഥ ഒരുക്കുന്ന ചിത്രം നിര്‍മ്മിക്കുന്നത് പ്രസിഡന്‍ഷ്യല്‍ മൂവീസ് ഇന്റര്‍നാഷണലിന്റെ ബാനറില്‍ ആഷ്ലിന്‍ മേരി ജോയ് ആണ്. ഹിന്ദി, മലയാളം, തമിഴ്, തെലുങ്ക്, കന്നഡ ഭാഷകളിലായാണ് ചിത്രം പുറത്തിറങ്ങുക.അര്‍ജുന്‍ രവി ഛായാഗ്രഹണം നിര്‍വഹിക്കുന്ന ചിത്രത്തിന്റെ എഡിറ്റര്‍ ഡോണ്‍ മാക്സ് ആണ്.
സംഗീതം: രഞ്ജിന്‍ രാജ്, ചീഫ് അസോസിയേറ്റ്: ബെന്നി തോമസ്, അസോസിയേറ്റ് ഡയറക്ടര്‍: പരീക്ഷിത്ത് ആര്‍.എസ്., വസ്ത്രാലങ്കാരം: വി. സായ് ബാബു, കലാസംവിധാനം: ഗോകുല്‍ ദാസ്, മേക്കപ്പ്: റോണക്സ് സേവ്യര്‍, പ്രൊഡക്ഷന്‍ കണ്‍ട്രോളര്‍: പ്രവീണ്‍ ബി. മേനോന്‍, ഫിനാന്‍സ് കണ്‍ട്രോളര്‍: അഗ്രാഹ് പി., കാസ്റ്റിംഗ് ഡയറക്ടര്‍: രതീഷ് കടകം, പി.ആര്‍.ഒ.: ആതിര ദില്‍ജിത്ത്, ഡിജിറ്റല്‍ മാര്‍ക്കറ്റിംഗ്: അനൂപ് സുന്ദരന്‍, പബ്ലിസിറ്റി ഡിസൈന്‍: സുഭാഷ് മൂണ്‍മാമ.
2017ല്‍ പുറത്തിറങ്ങിയ 1971: ബിയോണ്ട് ബോര്‍ഡേഴ്സ് എന്ന സിനിമയ്ക്കുശേഷം മേജര്‍ രവി സംവിധാനം ചെയ്യുന്ന ചിത്രമാണ് 'ഓപ്പറേഷന്‍ റാഹത്ത്'.
