ഓസ്‌കറിലേക്ക് മലയാളത്തിന്റെ 2018, ഇന്ത്യയുടെ ഒഫിഷ്യൽ എൻട്രിയായി മത്സരത്തിന്; മലയാളം ബോക്‌സോഫീസിൽ ചരിത്രം കുറിച്ച ജൂഡ് ആന്തണി ചിത്രം ഗുരുവിനും ജെല്ലിക്കെട്ടിനും ശേഷം ഓസ്‌കാർ എൻട്രി ലഭിക്കുന്ന സിനിമ
കൊച്ചി: മലയാളം സിനിമാ ബോക്‌സോഫീസിൽ ഇക്കൊല്ല ചരിത്രവിജയം നേടിയ ചിത്രമായിരുന്നു 2018. മലയാളികളുടെ അതിജീവനത്തിന്റെ കഥപറഞ്ഞ സിനിമ. മൾട്ടിസ്റ്റാർ ചിത്രമായ 2018 വീണ്ടും അത്ഭുതങ്ങൾ സൃഷ്ടിക്കുകയാണ്. ഓസ്‌കർ പുരസ്‌കാരത്തിനുള്ള ഇന്ത്യയുടെ ഔദയോഗിക ഓസ്‌കർ എൻട്രിയായി 2018 സിനിമ തെരഞ്ഞെടുക്കപ്പെട്ടു.
ജൂഡ് ആന്തണി ജോസഫ് സംവിധാനം ചെയ്ത '2018' സിനിമ ഇന്ത്യയുടെ ഔദ്യോഗിക ഓസ്‌കർ എൻട്രിയെ കുറിച്ചുള്ള വാർത്ത പങ്കുവെച്ചത് ഗിരിഷ് കാസറവള്ളിയാണ്. മോഹൻലാൽ ചിത്രമായ 'ഗുരു'വാണ് ഓസ്‌കർ എൻട്രി ലഭിച്ച ആദ്യ ചിത്രം. ലിജോ ജോസ് പെല്ലിശ്ശേരിയുടെ 'ജെല്ലക്കെട്ട്' ആണ് ഇതിനു മുമ്പ് ഓസ്‌കർ എൻട്രി ലഭിച്ച മറ്റൊരു മലയാള ചിത്രം.
2018ൽ കേരളം കണ്ട ഏറ്റവും വലിയ പ്രളയം പശ്ചാത്തലമാക്കി ജൂഡ് ഒരുക്കിയ ചിത്രമാണിത്. സിനിമ നൂറ് കോടി ക്ലബ്ബിലും ഇടംപിടിച്ചിരുന്നു. രടൊവിനോ തോമസ്, കുഞ്ചാക്കോ ബോബൻ, ആസിഫ്അലി, ഇന്ദ്രൻസ്, വിനീത് ശ്രീനിവാസൻ, ലാൽ, നരേൻ, സുധീഷ്, അജു വർഗ്ഗീസ്, ജിബിൻ ഗോപിനാഥ്, ഡോക്ടർ റോണി, അപർണ്ണ ബാലമുരളി, ശിവദ, വിനിതാ കോശി, തൻവി റാം, ഗൗതമി നായർ തുടങ്ങിയവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചത്. വേണു കുന്നപ്പള്ളി, ആന്റോ ജോസഫ്, സി.കെ. പത്മകുമാർ എന്നിവർ ചേർന്നാണ് ഈ ബിഗ് ബജറ്റ് ചിത്രം നിർമ്മിച്ചിരിക്കുന്നത്.
കാവ്യാ ഫിലിംസ്, പി കെ പ്രൈം പ്രൊഡക്ഷൻ എന്നിവയാണ് പ്രൊഡക്ഷൻ ബാനർ. അഖിൽ ജോർജ്ജാണ് ചിത്രത്തിന്റെ ഛായാഗ്രഹണം നിർവഹിക്കുന്നത്. മോഹൻ ദാസാണ് ചിത്രത്തിന്റെ പ്രൊഡക്ഷൻ ഡിസൈനർ. ചിത്രസംയോജനം ചാമൻ ചാക്കോ. സംഗീതം നോബിൻ പോൾ. വിഷ്ണു ഗോവിന്ദ് ചിത്രത്തിന്റെ സൗണ്ട്ഡിസൈനിങ്ങ് നിർവഹിക്കുന്നു. വസ്ത്രാലങ്കാരം സമീറ സനീഷ്. ലൈൻ പ്രൊഡ്യൂസർ ഗോപകുമാർ. പ്രൊഡക്ഷൻ കൺട്രോളർ ശ്രീകുമാർ ചെന്നിത്തല.
ചീഫ് അസോസിയേറ്റ് ഡയക്ടർ സൈലക്‌സ് അബ്രഹാം. ഡിജിറ്റൽ മാർക്കറ്റിങ് വൈശാഖ് സി വടക്കേവീട്. നിശ്ചല ചിത്രങ്ങൾ സിനറ്റ് സേവ്യർ. വിഎഫ്എക്‌സ് മിന്റ്സ്റ്റീൻ സ്റ്റ്യുഡിയോസ്. ടൈറ്റിൽ ഡിസൈൻ ആന്റണി സ്റ്റീഫൻ. ഡിസൈൻസ് എസ്‌തെറ്റിക് കുഞ്ഞമ്മ എന്നിവരാണ് ചിത്രത്തിന്റെ അണിയറ പ്രവർത്തകർ.
