വിവാഹിതരാകുമെന്നതിനിടെ ഐപിഎൽ കാണാൻ പരിണിതി ചോപ്രയും രാഘവ ഛദ്ദയും സ്റ്റേഡിയത്തിൽ; പ്രണയ ജോഡികളെ കണ്ട് ആവേശത്തോടെ ആരാധകർ
മൊഹാലി: ബോളിവുഡിൽ ഇപ്പോൾ ചർച്ചയാവുന്നത് നടി പരിണിതി ചോപ്രയുടേയും എഎപി രാജ്യസഭാ എംപി രാഘവ് ഛദ്ദയുടേയും വിവാഹ വാർത്തകളാണ്. ഇരുവരും പ്രണയത്തിലാണെന്നും ഉടൻ വിവാഹിതരാകുമെന്നുമാണ് പുറത്തുവന്ന വാർത്തകൾ. ഈ ഗോസിപ്പുകളെ ശരിവെക്കുന്ന വിധത്തിലാണ് ഇരുവരുടെയും ഇടപെടലുകളും.
ഇതിനോടകം പല പൊതുവേദികളിലും ഇരുവരും ഒന്നിച്ച് പ്രത്യക്ഷപ്പെടുകയും ചെയ്തു. ഇപ്പോൾ ഐപിഎൽ മത്സരം കാണാൻ എത്തിയ പ്രണയജോഡികളുടെ ചിത്രങ്ങളാണ് സോഷ്യൽ മീഡിയയിൽ വൈറലാവുന്നത്.
ഇന്നലെ നടന്ന പഞ്ചാബ് കിങ്സ്- മുംബൈ ഇന്ത്യൻസ് മത്സരം കാണാനാണ് പരിണിതിയും രാഘവും മൊഹാലി സ്റ്റേഡിയത്തിൽ എത്തിയത്. താരത്തെ അപ്രതീക്ഷിതമായി കണ്ട ആരാധകർ ആവേശം കൊള്ളുന്നതാണ് വിഡിയോയിൽ ഉള്ളത്. ആരാധകരെ ചിരിച്ചുകൊണ്ട് അഭിവാദ്യം ചെയ്യുന്ന പരിണിതിയേയും വിഡിയോയിൽ കാണാം. സോഷ്യൽ മീഡിയയിൽ വൈറലാവുകയാണ് വിഡിയോ.
ഡീപ് നെക്കിലുള്ള ബ്ലാക്ക് ഡ്രസ് ആണ് പരിണിതി ധരിച്ചിരുന്നത്. ബ്ലൂ ഷർട്ട് അണിഞ്ഞ് സിംപിൾ ലുക്കിലാണ് രാഘവ് എത്തിയത്. ഇത് ആദ്യമായല്ല ഇരുവരും പൊതുവേദിയിൽ പ്രത്യക്ഷപ്പെടുന്നത്. വിവാഹനിശ്ചയം കഴിഞ്ഞതായും ഒക്ടോബറിൽ വിവാഹമുണ്ടാകുമെന്നും ഇന്ത്യ ടുഡേ റിപ്പോർട്ട് ചെയ്തിരുന്നു.
