മലയാള സിനിമയിലെ ഏറ്റവും വലിയ സൂപ്പർഹിറ്റ് കൂട്ടുകെട്ടായി മോഹൻലാൽ- ജീത്തു ജോസഫ്! നൂറ് കോടി ക്ലബ്ബിലെത്തി പുതിയ ചിത്രം നേര്

കൊച്ചി: മോഹൻലാൽ - ജിത്തു ജോസഫ് കൂട്ടുകെട്ട് മലയാള സിനിമയിലെ ഏറ്റവും മികച്ച സൂപ്പർഹിറ്റ് കൂട്ടുകെട്ടായി മാറുകയാണ്. മോഹൻലാലിനെ നായകനാക്കി ജീത്തു ജോസഫ് സംവിധാനം ചെയ്ത ചിത്രമാണ് നേര് വൻ വിജയമായി മാറി. റിലീസ് ചെയ്ത ദിവസം മുതൽ മികച്ച അഭിപ്രായമാണ് ചിത്രത്തേക്കുറിച്ച് ഉയരുന്നത്. ഇപ്പോൾ പുതിയ നേട്ടത്തിലേക്ക് എത്തിനിൽക്കുകയാണ് ചിത്രം. 100 കോടി ക്ലബ്ബിൽ ഇടം നേടിയെന്ന വിവരം നിർമ്മാതാക്കളായ ആശിർവാദ് സിനിമാസാണ് ആരാധകരെ അറിയിച്ചത്.

എല്ലാവരുടേയും സ്‌നേഹത്തിന് നന്ദി. നേര് നൂറ് കോടിയിലേക്ക് എത്തിയിരിക്കുന്നു. ലോകമെമ്പാടുമുള്ള പ്രേക്ഷകർക്കും സിനിമാപ്രേമികൾക്കും പിന്തുണക്കാർക്കും നന്ദി. ഡൈനാമിക് ട്രയോ ഒരിക്കൽ കൂടി അത് ചെയ്തു.- എന്ന അടിക്കുറിപ്പിലാണ് സന്തോഷവാർത്ത നിർമ്മാതാക്കൾ പങ്കുവച്ചു. അ?ഗോള കളക്ഷനിൽ നിന്നാണ് ചിത്രം നേട്ടം സ്വന്തമാക്കിയത്.

നേരത്തെ തന്നെ മോഹൻലാലിന്റെ ഫാൻസ് ഗ്രൂപ്പുകളിലാണ് ഇത് സംബന്ധിച്ച് പോസ്റ്ററുകൾ പ്രത്യക്ഷപ്പെട്ടിരുന്നു. ചിത്രം 50 കോടി നേടിയപ്പോൾ മോഹൻലാൽ തന്നെയാണ് സന്തോഷവാർത്ത ആരാധകരെ അറിയിച്ചത്. താരം തന്നെ ഈ സന്തോഷം ആരാധകരുമായി പങ്കുവെക്കുമെന്ന പ്രതീക്ഷയിലാണ് ആരാധകർ. റിപ്പോർട്ടുകൾ ശരിയാണെങ്കിൽ 'പുലിമുരുകൻ', 'ലൂസിഫർ', 'ഒടിയൻ' എന്നീ ചിത്രങ്ങൾക്ക് പിന്നാലെ 100 കോടിയിൽ എത്തുന്ന മോഹൻലാൽ ചിത്രമാകും നേര്.

ക്രിസ്മസ് റിലീസ് ആയി ഡിസംബർ 21 നാണ് ചിത്രം തിയറ്ററിൽ എത്തിയത്. അഭിഭാഷകന്റെ റോളിലാണ് മോഹൻലാൽ ചിത്രത്തിൽ എത്തിയത്. കോർട്ട് റൂം ഡ്രാമയായി ഒരുക്കിയ ചിത്രത്തിൽ അനശ്വര രാജനും ചിത്രത്തിൽ പ്രധാന കഥാപാത്രമായി എത്തി. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരായിരുന്നു നിർമ്മാണം.