മുംബൈ: സിനിമാപ്രേമികളുടെ മനംകവരുകയാണ് 12ത് ഫെയിൽ എന്ന ഹിന്ദി ചിത്രം. ഐപിഎസ് ഓഫിസറായ മനോജ് കുമാർ ശർമയുടേയും അദ്ദേഹത്തിന്റെ ഭാര്യയും ഐആർഎസ് ഓഫിസറുമായ ശ്രദ്ധ ജോഷിയുടേയും ജീവിധാനതത്തെ ആസ്പദമാക്കിയാണ് ചിത്രം ഒരുക്കിയത്. വിക്രാന്ത് മാസ്സിയും മേധ ശങ്കറും പ്രധാന വേഷത്തിലെത്തിയ ചിത്രം മികച്ച അഭിപ്രായം നേടി മുന്നേറുകയാണ്. മികച്ച അഭിപ്രായമാണ് സിനിമക്ക് ഉള്ളത്.

ഇപ്പോൾ വൈറലാവുന്നത് മനോജ് കുമാർ ശർമ പങ്കുവച്ച പഴയ ഓർമചിത്രമാണ്. വിവാഹം കഴിഞ്ഞ ദിവസങ്ങൾക്ക് ശേഷം എടുത്തതാണ് ചിത്രം. വിവാഹം കഴിഞ്ഞ കുറച്ചു ദിവസങ്ങൾക്ക് ശേഷമെടുത്ത ഒരു ഫോട്ടോ കണ്ടെത്തി.- എന്ന അടിക്കുറിപ്പിലാണ് ശ്രദ്ധ ജോഷിക്കൊപ്പമുള്ള ചിത്രം മനോജ് പങ്കുവച്ചത്.

ഇരുവരുടേയും ചിത്രം സോഷ്യൽ മീഡിയയിൽ വൈറലാവുകയാണ്. മണിക്കൂറുകൾകൊണ്ട് ലക്ഷക്കണക്കിന് പേരാണ് ചിത്രം ലൈക്ക് ചെയ്തത്. ഇരുവരുടേയും പ്രണയത്തെ പ്രശംസിച്ചുകൊണ്ട് നിരവധി പേർ കമന്റ് ചെയ്യുന്നുണ്ട്.

പന്ത്രണ്ടാം ക്ലാസിൽ തോറ്റുപോയ മനോജ് കുമാറിന്റെ ഐപിഎസിലേക്കുള്ള യാത്രയാണ് ചിത്രം. മനോജ്കുമാറിന്റെ ജീവിതത്തിൽ പ്രചോദനമേകി കൂടെ നിൽക്കുന്നത് ശ്രദ്ധയാണ്. വിധു വിനോദ് ചോപ്രയാണ് ചിത്രം സംവിധാനം ചെയ്തത്.